Ispanija vystupiła suprać pavieličeńnia vydatkaŭ na abaronu da 5% ad VUP
Centralnaj temaj samitu NATO moža stać pavieličeńnie vydatkaŭ udzielnikaŭ aljansu na abaronu. Premjer-ministr Ispanii Pedra Sančes, adnak, užo ciapier adchilaje heta pavieličeńnie jak «nierazumnaje», piša Bild.
Havorka idzie ab prapanovie hienieralnaha sakratara NATA Marka Rute. Jana praduhledžvaje, što krainy aljansu buduć z 2032 hoda vydatkoŭvać nie mienš za 3,5% VUP na vajskovyja vydatki i 1,5% — na źviazanuju z abaronaj infrastrukturu.
Usio razam heta adpaviadała b metavamu pakazčyku ŭ 5% VUP na abaronu, uvieści jaki patrabuje ad sajuźnikaŭ prezident ZŠA Donald Tramp. Častka krain NATO, uklučajučy Niamieččynu, užo vykazali zhodu z prapanovaj Rute.
Sančes ža zajaviŭ hienieralnamu sakrataru aljansu: «Dla Ispanii abaviazacielstva pa mecie ŭ piać pracentaŭ było b nie tolki nierazumnym, ale i kontrpraduktyŭnym».
Ispanija ž usio jašče nie dasiahnuła navat ciapierašniaha metavaha pakazčyka ŭ 2%, pryniataha jašče ŭ 2014 hodzie. U krasaviku ispanski premjer-ministr abviaściŭ pra namier upieršyniu vykanać hetaje patrabavańnie ŭ biahučym hodzie.
-
Ukrainski žurnalist nazvaŭ Naŭrockaha «pachanom». Jaho zvolnili z polskaha ŚMI, a kancylaryja prezidenta zaklikała pierapisać Kanstytucyju
-
«Heta byŭ biesprecedentny akt suprać našaha naroda». Alijeŭ upieršyniu prakamientavaŭ zabojstva azierbajdžancaŭ rasijskimi siłavikami
-
Znojdzieny pieršy kampjutarny virus, jaki vykarystoŭvaje štučny intelekt
Ciapier čytajuć
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara11
Kamientary