Dvoje niepaŭnaletnich žorstka źbili mužčynu ŭ Minsku, nanieśli 154 udary
Dvoje niepaŭnaletnich chłopcaŭ ustupili ŭ kanflikt ź nieznajomym mužčynam. Paciarpiełamu było naniesiena nie mienš za 154 udaraŭ, u vielmi ciažkim stanie jaho zabrali ŭ balnicu. U vyniku ŭ dačynieńni da pryjacielaŭ zaviedzienaja kryminalnaja sprava.
U noč zdareńnia padazravanyja vypivali — padstavaj byŭ dzień naradžeńnia siabra, pišuć Minsk-Naviny. Paśla zakančeńnia śviata pryjacieli pajšli dadomu da znajomaha. Z padjezda ŭ hety momant vyjšaŭ mužčyna (paźniej vyśvietlicca, što jon pravodziŭ dadomu kalehu paśla karparatyvu), jaki vypadkova zakranuŭ adnaho z chłopcaŭ plačom, što i stała pryčynaj słoŭnaha kanfliktu.
Paśla hetaha chłopcy paprasili ŭ nieznajomca zakuryć, ale na prośbu atrymali admovu. Mužčyna nakiravaŭsia da taksi, ale pryjacieli jaho dahnali, schapili za kapiušon i adciahnuli. Zatym adzin z padazravanych nanios udar, jon ža paprasiŭ kiroŭcu taksi admianić zakaz. Toj spačatku admoviŭ, ale potym usio ž źjechaŭ.
Paśla hetaha mužčynu źbili. U niejki momant jon pasprabavaŭ schavacca ŭ padjeździe, ale zrabić heta jamu nie ŭdałosia, i źbićcio praciahnułasia. Pa zaklučeńni ekśpiertaŭ, minčuku nanieśli nie mienš za 154 udaraŭ rukami i nahami pa hałavie i ciele, zatym padazravanyja syšli.
Paciarpiełaha kala lifta vyjaviła miascovaja žycharka, jana ž vyklikała chutkuju. U vielmi ciažkim stanie 44-hadovaha mužčynu zabrali ŭ balnicu, niejki čas jon pravioŭ u reanimacyi.
Padazravanych udałosia zatrymać, u dačynieńni da ich raspačali kryminalnuju spravu. Udakładniajecca, što abodva ŭ momant zdareńnia byli niepaŭnaletnimi (ciapier im 17 i 18 hadoŭ).
Abvinavačanyja — navučency staličnych kaledžaŭ, raniej da kryminalnaj adkaznaści nie pryciahvalisia, ale adzin ź ich znachodziŭsia na ŭliku ŭ inśpiekcyi pa spravach niepaŭnaletnich, pakolki byŭ abvinavačany ŭ supraćpraŭnych pavodzinach, — raspavioŭ Minsk-Navinam namieśnik prakurora Frunzienskaha rajona Andrej Siarbun.
— Im vystaŭlenaje abvinavačvańnie ŭ naŭmysnym pryčynieńni ciažkaha cialesnaha paškodžańnia, heta značyć paškodžańnia, niebiaśpiečnaha dla žyćcia, jakoje paciahnuła za saboj stratu zroku, psichičnaje rasstrojstva (zachvorvańnie); jakoje vyjaviłasia ŭ niezhładžalnym źniaviečańni asoby; jakoje nosić charaktar pakuty abo katavańnia; ździejśnienym hrupaj asob z chulihanskich pamknieńniaŭ (p. 3, 7, 9 č.2 art. 147 KK).
Adzin ź fihurantaŭ całkam pryznaŭ vinu. Jaho siabra ad dačy pakazańniaŭ admoviŭsia, svajo dačynieńnie da inkryminavanaha złačynstva admaŭlaje.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
A taksist byŭ śviedkam i źjechaŭ! Spužaŭsia niepaŭnaletnich, pakul siadzieŭ u mašynie?
Prosta słovaŭ niama!