Usiaho było 10 bieśpiłotnikaŭ.
U Charkavie paśla nalotu rasijskich bieśpiłotnikaŭ u niekalkich miescach uźnikli pažary, paviedamiŭ mer horada Ihar Cierachaŭ.
«U vyniku šmatlikich udaraŭ pa Charkavie varožymi bieśpiłotnikami ŭźnikli maštabnyja pažary ŭ pramysłovych zonach. Taksama haryć pryvatny dom», — napisaŭ Cierachaŭ u svaim telehram-kanale.
Pa najaŭnych u Cierachava papiarednich danych, usiaho było dziesiać udaraŭ bieśpiłotnikami. Jašče adzin nie vybuchnuŭ, i ź im pracujuć sapiory. Pierad nalotam «šachiedaŭ» rasijanie nanieśli rakietny ŭdar pa niejkim pradpryjemstvie Charkava. Ułady Charkava paviedamlajuć, što pry rasijskim rakietnym udary i nalocie dronaŭ u horadzie ŭspychnuli čatyry pažary i byŭ paranieny adzin čałaviek.
Kiraŭnik abłasnoj administracyi Aleh Siniehubaŭ napisaŭ u svaim telehram-kanale, što spačatku, paśla rakietnaha ŭdaru, uźnik pažar na cyvilnym, jak śćviardžaje Siniahubaŭ, pradpryjemstvie, było paškodžany adnapaviarchovy pramysłovy budynak i atrymaŭ ranieńnie 30-hadovy mužčyna.
Zatym, paśla trapleńnia bieśpiłotnikaŭ, zaharelisia pryvatny dom i stancyja techabsłuhoŭvańnia.
Charkaŭskaja redakcyja vydańnia «Suśpilnie» pieradaje, što haryć skład z aŭtamabilnymi šynami, z-za čaho nieba nad paŭnočna-zachodniaj častkaj horada zaciahnuta čornym dymam.
Kamientary