Hałoŭnaha ŭkrainskaha raźviedčyka ŭznaharodzili prestyžnym polskim ordenam
Prezident Polščy Andžej Duda ŭznaharodziŭ kiraŭnika Hałoŭnaha ŭpraŭleńnia raźviedki Ministerstva abarony Ukrainy Kiryłu Budanava adnoj z najvyšejšych polskich uznaharod dla inšaziemcaŭ — załatym aficerskim kryžam ordena «Za zasłuhi pierad Polščaj».
Jak paviedamili ŭ HUR, hety orden uručajecca za vydatny ŭniosak u raźvićcio mižnarodnaha supracoŭnictva i suviaziaŭ pamiž Polščaj i inšymi krainami.
Andžej Duda padkreśliŭ važnaść partniorstva z Ukrainaj u baraćbie suprać rasijskaj ahresii i vysoka acaniŭ rolu ŭkrainskaj armii i raźviedki ŭ harantavańni biaśpieki Jeŭropy.
Kiryła Budanaŭ padziakavaŭ za ŭznaharodu i adznačyŭ, što ciapierašniaja vajna — heta zmahańnie za svabodu, kaštoŭnaści i pryncypy abjadnanaj Jeŭropy. Jon dadaŭ, što tolki razam narody Polščy i Ukrainy mohuć spynić rasijskuju pahrozu i zmahacca za mirnuju budučyniu.
Raniej takija ŭznaharody ad Polščy atrymlivali takija viadomyja suśvietnyja dziejačy, jak Ronald Rejhan, Hienry Kisindžer, Antoniu Huteryš i Anders Foh Rasmusen.
Akramia taho, kavalerski kryž ordena «Za zasłuhi pierad Polščaj» atrymaŭ i namieśnik Budanava — hienierał-major Vadzim Skibicki.
Budanaŭ acaniŭ uzrovień karupcyi ŭ rasijskaj armii paśla zvalnieńnia Šajhu
SBU vykryła bolš za 100 ahienturnych sietak. Rasijskija ahienty płanavali zabić Zialenskaha, Budanava i kiraŭnika samoj SBU
Budanaŭ na sakretnaj naradzie papiaredziŭ ab pahrozie isnavańniu Ukrainy, kali nie budzie pieramoŭ. U HUR heta abviarhajuć
Budanaŭ asabista ŭdzielničaŭ u apieracyi pa vyzvaleńni Vaŭčanskaha zavoda
Kamientary