Budanaŭ na sakretnaj naradzie papiaredziŭ ab pahrozie isnavańniu Ukrainy, kali nie budzie pieramoŭ. U HUR heta abviarhajuć
Na zakrytaj naradzie kiraŭnikoŭ parłamienckich frakcyj i pradstaŭnikoŭ vajennaha kamandavańnia načalnik HU vyviedki MUS Kiryła Budanaŭ adznačyŭ, što pry adsutnaści surjoznych pieramoŭ pra zaviaršeńnie vajny da leta, mohuć być zapuščany niebiaśpiečnyja dla Ukrainy pracesy, piša «Ukrainskaja praŭda».
Pavodle vydańnia, niadaŭna ŭ parłamiencie prajšła zakrytaja narada kiraŭnictva Viarchoŭnaj Rady i frakcyj z pradstaŭnikami kamandavańnia Sił abarony. Parłamientaryi chacieli pačuć ab realnym stanoviščy spraŭ u vajnie.
Svaimi ŭražańniami z vydańniem na ŭmovach ananimnaści padzialiŭsia adzin z udzielnikaŭ sustrečy.
«Spačatku pradstaŭniki Hienštaba havaryli šmat, błytana, ale vielmi cikava. Potym byli inšyja dakłady. Ale bolš za ŭsio zapomniŭsia adkaz Budanava. Niechta ŭ jaho spytaŭ, kolki ŭ nas jašče jość času. A Kirył ź jahonaj chałodnaj uśmieškaj kaža: «Kali da leta nie budzie surjoznych pieramoŭ, to mohuć pačacca vielmi niebiaśpiečnyja dla isnavańnia Ukrainy pracesy…»
Usie pierahlanulisia i zmoŭkli», — raskazaŭ surazmoŭca.
Va ŭkrainskaj vyviedcy adkazali na publikacyju. Tam zajavili, što Budanaŭ nie kazaŭ pra pahrozu dla Ukrainy, kali pieramovy pra mir nie pačnucca da leta.
U Hałoŭnym upraŭleńni zaklikali «nie raspaŭsiudžvać čutki, niepravieranuju i niepaćvierdžanuju aficyjna infarmacyju».
«Raspaŭsiud jakich-niebudź paviedamleńniaŭ ab tym, što byccam by abmiarkoŭvajecca na aficyjnych naradach z hryfam «tajemna» z udziełam vajskova-palityčnaha kiraŭnictva dziaržavy, škodzić biaśpiecy dziaržavy i vykarystoŭvajecca voraham u svaich intaresach», — havorycca ŭ zajavie HUR.
-
Bajavy dron, jaki ŭ kancy lipienia pralacieŭ nad Vilniaj, zapuskaŭsia ź Biełarusi?
-
Rasijaninu Daniłu Bahrovu dali dzieviać hadoŭ kałonii pa spravie ab sprobie vajavać za Ukrainu
-
HUR uziaŭ adkaznaść za vybuchi pad Uładzivastokam: nazyvajuć heta pomstaj vajskoŭcam RF, jakija ŭdzielničali ŭ zabojstvach pałonnych ukraincaŭ
Da «Dnia narodnaha adzinstva» pamiłavali 25 čałaviek4
Kamientary
Moh praŭdu kazać, moh i niepraŭdu.
Kali i praŭdu, to što toje za pracessy takija, što zaraz ich niama, a letam pačnucca?
Snarady skončacca?