«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu
Kvatera ź niezvyčajnym interjeram znachodzicca ŭ ŽK Vogue, na vuł. Makajonka, 12B. Jaje pamier — 45 kvadratnych mietraŭ, žyłych ź ich — 35,8. Na hetaj kampaktnaj płoščy ŭładalniku žylla ŭdałosia vyłučyć spalnaje miesca, zonu kuchni, a taksama arhanizavać mini-kinateatr.
Uładalnik kvatery Dźmitryj — chłopiec niestandartny. Jon kiruje bujnym pradpryjemstvam, pry hetym vielmi lubić byvać u roznych miescach. Onliner.by zazirnuŭ da jaho ŭ kvateru, kab daviedacca, navošta minčuk abviesiŭ studyju viaroŭkami i abšyŭ usie ścieny fanieraj.
— Ja kuplaŭ kvateru na etapie budaŭnictva. Jak tolki dom byŭ zdadzieny, zajechaŭ u jaho praź miesiac, napeŭna, u liku pieršych žycharoŭ. Daviałosia navat pažyć biez haračaj vady, — śmiajecca Dźmitryj. — Ramont rabiŭ pastupova, častkova svaimi rukami. Meblu taksama vyrabiŭ pad siabie.
Chłopiec pryznajecca: lubić padarožničać, asabliva da mora abo akijana, tamu pry afarmleńni žylla abapiraŭsia na svaje zachapleńni. Da ŭładkavańnia «kvadrataŭ» padyšoŭ aryhinalna.
— Tak, u interjery źjavilisia elemienty vietrazia, marskija kanaty, karabielnaja rynda i vialikaja kolkaść dreva, — praciahvaje minčuk. — Dla mianie, zajadłaha ekśpierymientatara, karabli — heta simvał svabody i ruchu, tamu adzin ź ich namalavany na ścianie. Hości, što pierastupajuć paroh kvatery, časta prosiać pravieści ekskursiju i raskazać, jak heta ŭsio źjaviłasia. Nikoli im nie admaŭlaju.
U jakaści dadatkovaj zabavy chłopiec prymacavaŭ da ściany hamak i padviesnyja areli, kab mieć mahčymaść rassłabicca nie tolki na chvalach, ale i ŭ ścienach šmatpaviarchoŭki.
Dźmitryj kaža, što pa vartaści acaniŭ jak žyllovy kompleks z sučasnym łobi i kanśjeržam, tak i samu łakacyju kala parku Čaluskincaŭ.
— Pamiataju, kali ŭpieršyniu ranicaj pačaŭ čuć śpievy ptušak, pryjemna ździviŭsia. Nie dumaŭ, što heta mahčyma ŭ centry horada, — kaža chłopiec.
Niahledziačy na vializnuju luboŭ da pieršaha žylla, minčanin vyrašyŭ pierabracca za horad, bližej da pryrody.
Dźmitryj hatovy addać niezvyčajnuju studyju z usioj meblaj i technikaj za $112 tysiač (praŭda, zaraz cana źnižana da 106 tysiač dalaraŭ).
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary