Hramadstva33

«Vychodny ŭ sieradu — heta bomba». Biełarus sam zrabiŭ sabie 4-dzionku — i dzielicca vynikami z kamjunici

Raspracoŭščyk Illa dzielicca svaim dośviedam, piša Devby.io.

«Vosieńniu 2023 hoda, jašče znachodziačysia ŭ najmie, ja pasprabavaŭ pracavać pa čatyry dni na tydzień. Minusaŭ nie vyjaviŭ. Paźniej, kali pierajšoŭ na fryłans, śviadoma vyrašyŭ prytrymlivacca skaročanaha pracoŭnaha tydnia.

Ja syšoŭ z najmu vosieńniu 2024 hoda i śviadoma vyrašyŭ pracavać čatyry dni na tydzień. Moj siaredni pracoŭny dzień — 9—10 hadzin. Ź ich 3—4 hadziny ja na suviazi, astatni čas pryśviačaju zasiarodžanaj pracy ŭ silent mode.

Upieršyniu ja aprabavaŭ čatyrochdzionku jašče ŭ najmie — vosieńniu 2023 hoda. U mianie źjaviłasia šmat adpačynkavych dzion, ale ŭziać paŭnavartasny adpačynak nie atrymlivałasia. Tady ja vyrašyŭ zrabić vychodnymi ŭsie sierady ź vieraśnia pa śniežań — i heta formuła akazałasia idealnaj.

Ciapier kožnaja sierada ŭ mianie — vychodny.

Čamu nie try vychodnyja zapar? Bo dla Atosa heta zašmat, a dla hrafa de Ła Fer — zamała. Za try vychodnyja nie paśpieješ jak śled adpačyć, ale z pracoŭnych pracesaŭ užo vypadaješ. Zdajecca, što heta dobraja ideja, ale na praktycy — nie.

A voś vychodny ŭ sieradu — heta bomba. Dva dni papracavaŭ — adpačyŭ. Znoŭ dva dni pracy — i znoŭ adpačynak. Prosta nie paśpieŭ stamicca. Pry hetym de-fakta ja za čatyry dni lohka vykonvaju abjom pracy poŭnaha tydnia. Mienš nahruzki, mienš stresu, śviežaja hałava — vyšej i jakaść, i temp.

Sieradu ja pryśviačaju navučańniu, zakryvaju «chvasty», rablu refaktarynh, znajomlusia ź inšymi śpiecyjalistami. Karaciej, zajmajusia tym, na što nie chapaje enierhii ŭ zvyčajnyja pracoŭnyja dni.

I ja vykonvaju stolki ž zadač, jak na 5-dzioncy.

Pracoŭny dom — zło

Razumieju, u vas moža być inšaje mierkavańnie, i vy viedajecie 99 pryčyn, čamu heta nie tak. Ale paviercie — ja ich uličyŭ. Za apošnija 15—20 hadoŭ ja pierakaštavaŭ praktyčna ŭsie formy zaniataści i samazaniataści, i ŭ vyniku ŭsio roŭna zaŭsiody arandavaŭ sabie ofis — navat za svoj košt. Ciapier pracuju ŭ kavorkinhu «Pracujem» na «Haryzoncie».

Ja praviaraŭ: u ofisie abo kavorkinhu maja praduktyŭnaść vyšej na 15—30%. I sprava nie ŭ dyscyplinie, a ŭ padziele «praca — dom». Navat kali ŭ vas jość asobny kabiniet, vy stroha zachoŭvajecie rehłamient i pracujecie pa tajmiery, adčuvańnie zvyšpraduktyŭnaści — heta iluzija.

Možna atrymać bust ad pracy z domu ŭ pieršyja 3—4 miesiacy — pakul śviežyja adčuvańni, asabliva kali ŭ ofisie byŭ chaos abo stres. Na kantraście. Ale na dystancyi bolš za hod, pry narmalnaj atmaśfiery ŭ ofisie, vy budziecie pracavać lepš.

Kali vy sumlenna pracujecie pa 7—8 hadzin u dzień, pastajannaja praca z domu z časam pieratvaraje žyćcio ŭ adnastajny kisiel — jak by vy ni staralisia raznastaić volny čas. Čarhavać — možna i treba.

Ja asabista pracuju jak fryłansier, tamu chadžu ŭ kavorkinh. Hałoŭny plus — źmiena abstanoŭki i multykulturnaje asiarodździe. Vielmi chutka abrastaješ znajomstvami. Kali praź ścianu pracujuć ofisy dziasiatka roznych ajcišnych kampanij, a ŭ oŭpenspejsach siadziać fryłansiery ŭsich maściej z roznych krain.

Novyja prajekty i ludziej znachodziš litaralna pa darozie ad kulera da prybiralni.

Kamientary3

  • 4+1=5
    27.05.2025
    >Sieradu ja pryśviačaju navučańniu, zakryvaju «chvasty», rablu refaktarynh, znajomlusia ź inšymi śpiecyjalistami. Karaciej, zajmajusia tym, na što nie chapaje enierhii ŭ zvyčajnyja pracoŭnyja dni.

    To bok, u sieradu jon robić zvyčajnuju pracu, jakuju nie paśpieŭ zrabić u inšyja dni. Inakš kažučy, heta zvyčajny piacidzionny pracoŭny tydzień, prosta ŭ siaredzinie tydnia pieraklučeńnie ź biahučki. Narmalny raskład, ale čamu ajcišnik nia moža svaje dni paličyć da piaci - pytańniečka zastałosia. Taksama, ja vielmi zaintryhavany, što tam za "multykulturnaje" asiarodździe ŭ "Haryzoncie"?
  • Pticiefabrika v p.Oktiabŕskij
    27.05.2025
    Illušieńka, prichodi k nam na pticiefabriku fasavŝikom. 4 dnia čieriez 4. Podkačaješ svoi ručonki-makaronki, śniziš risk zabolevanij prostaty i blizorukosti. V posiełkie śviežich vozduch, a nie kak na tvojem Horizontie. Najdieš siebie nieviestu iz prostych fabričnych dievušie, a nie modniavuju dizajnierku iz kovorkinha, kotoraja zavtra svalit ot tiebia pakarać Evropu.
  • Maksim Dizajnier
    27.05.2025
    Kstati, na foto - samyj krutoj zvuk iz ušiej, kotoryj ja kohda libo słyšał. Rabočaja łošad́ dla profi muzykantov, v kotrych był zamiečien dažie Ełton Džon. I v 2-3 raza diešievle ejrpods i pročieho chłama po 500.

Ciapier čytajuć

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Usie naviny →
Usie naviny

Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska

Vyjšaŭ «Liła i Ścič» — na dziva kranalny film, jaki vybiŭsia ŭ top pa zborach u prakacie

Vierchni horad i Rakaŭskaje pradmieście čakaje vialikaje pieraŭtvareńnie. Što źmienicca?3

Aktyvisty Greenpeace u Paryžy skrali z muzieja vaskovuju fihuru Makrona i prynieśli jaje da pasolstva Rasii1

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova37

Ukraina pačała vytvorčaść dronaŭ-pierachopnikaŭ dla zmahańnia z šachiedami1

Donald Tusk źvierniecca da Siejma z prośbaj pra votum davieru dla ŭrada

Zianon Paźniak adpraviŭ sardečnyja vinšavańni Karalu Naŭrockamu57

Uładzimir Ceśler pa-mastacku adreahavaŭ na bulbiany deficyt u Biełarusi

bolš čytanych navin
bolš łajkanych navin

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić