Padčas adaptacyi da dziciačaha sadka časta dzieci admaŭlajucca jeści, asabliva ŭ samym pačatku znajomstva z daškolnaj ustanovaj. Biez uvahi heta pakidać nielha. Psichołah raskazała, što rabić darosłym u takim vypadku, piša «Źviazda».
Śpiecyjalist paraiła paprasić vychavacielaŭ pajści vam nasustrač i dać małomu pryvyknuć da abstanoŭki, da posudu, da ježy. U sadku dzicia akazvajecca ŭ absalutna novych abstavinach, z novymi praviłami, darosłymi i dziećmi, i novaja ježa — taksama niešta nieviadomaje. I ŭ hetaj situacyi admova ad pryjomu ježy — reakcyja małoha na źmieny.
«Doma cikaŭciesia, što dzietki jeli ŭ hrupie, pahulajcie ŭ sadok, niachaj dzicia stanie povaram, a vy — dziciem, i jon vam pryhatuje ježu, a vy — adlustroŭvajecie jaho pavodziny, što nie chočacie, a potym — pasprabujecie», — padzialiłasia rekamiendacyjami psichołah.
Tak z dapamohaj hulni vy pryjdziecie da žadanaha vyniku.
Kamientary