Demakratyčnaja lidarka Biełarusi źviarnułasia da biełarusaŭ z nahody Dnia salidarnaści ź biełaruskimi palitviaźniami. Roŭna čatyry hady tamu stała viadoma pra śmierć u škłoŭskaj kałonii Vitolda Ašurka.
«Kožny hod, 21 maja, serca ściskajecca ad bolu. Heta Dzień salidarnaści z palitviaźniami. Palitviaźni byli ŭ Biełarusi zaŭsiody. Ale toje, što adbyvajecca ciapier, — heta maštabnaja trahiedyja. Siońnia za kratami bolš za tysiaču čałaviek — žurnalisty i nastaŭniki, miedyki i inžyniery, studenty i piensijaniery. Abjadnoŭvaje ich tolki adno — jany nie zhodnyja žyć u chłuśni i hvałcie», — kaža Śviatłana Cichanoŭskaja.
Jana zaznačaje, što važna pamiatać, što navat va ŭmovach tatalnaha kantrolu i cisku my nie biezdapamožnyja.
Cichanoŭskaja zaklikaje:
Pišycie listy palitviaźniam. Navat niekalki ciopłych słovaŭ ad nieznajomaha čałavieka mohuć sahreć dušu i padaryć nadzieju.
Padtrymajcie znajomych, čyje svajaki za kratami. Pryniasicie pradukty stałym baćkam źniavolenych. Pahavarycie ź siabrami, jakija sumujuć pa svaich partniorach. Dajcie adčuć, što jany nie adny.
Kali vy znachodziciesia za miažoj — vykarystajcie mahčymaść, kab nahadać ludziam pra situacyju ŭ Biełarusi. Rabicie heta aściarožna, kab nie pryciahvać uvahu režymu da kankretnych asobaŭ za kratami. Udzielničajcie ŭ akcyjach salidarnaści, rabicie pasty anłajn i padtrymlivajcie inicyjatyvy.
«Kožny krok — važny, kožnaje piśmo moža stać čyjojści nadziejaj. Niachaj našaja salidarnaść praciahvaje raści i pašyracca. Niachaj nivodzin palitviazień nie zastaniecca samotnym. Svabodu palitviaźniam!» — reziumuje demakratyčnaja lidarka.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami23
Kamientary
Piače? Dobra! Budzie piekčy jašče bolš!