Hramadstva66

Litva padała pazoŭ suprać Biełarusi ŭ Haahu

Litva padała na Biełaruś u Mižnarodny sud AAN u Haazie, abvinavaciŭšy režym Alaksandra Łukašenki ŭ arhanizacyi mihracyjnaha kryzisu, jaki parušaje normy mižnarodnaha prava. Pra heta ŭ paniadziełak paviedamiła Ministerstva zamiežnych spraŭ Litvy, piša LRT.

Łukašenka vystupaje pierad mihrantami kala biełaruska-polskaj miažy, 26 listapada 2021 hoda. Fota: sajt Łukašenki

Jak paviedamlaje MZS Litvy, sprava tyčycca parušeńnia abaviazacielstvaŭ dziaržaŭ pa Pratakole AAN suprać niezakonnaha ŭvozu mihrantaŭ pa sušy, mory i pavietry.

«Z 2021 hoda Litva sutykajecca ź biesprecedentnym rostam patoku nielehalnych mihrantaŭ ź Biełarusi. Dokazy, sabranyja litoŭskimi viedamstvami, paćviardžajuć pramuju datyčnaść biełaruskaha režymu da arhanizacyi patokaŭ mihrantaŭ», — havorycca ŭ paviedamleńni MZS.

Ab udziele Minska śviedčyć toj fakt, što biełaruskija dziaržpradpryjemstvy pavialičyli kolkaść avijarejsaŭ z krain Blizkaha Uschodu i inšych rehijonaŭ, arhanizavali vydaču viz i raźmiaščeńnie prybyłych mihrantaŭ.

Akramia taho, pa prybyćci ŭ Biełaruś mnohija mihranty byli skiravanyja da litoŭskaj miažy biełaruskimi siłami biaśpieki i vymušany pierasiakać jaje nielehalna — časta ŭ niebiaśpiečnych i pahražalnych žyćciu ŭmovach. Pavodle źviestak MZS, pahraničnyja słužby Biełarusi, niahledziačy na šmatlikija prośby ab supracoŭnictvie, admovilisia ŭzajemadziejničać ź litoŭskimi viedamstvami z metaj spynieńnia niezakonnych pierasiačeńniaŭ miažy.

«Litva razhladaje hetyja dziejańni jak naŭmysnuju sprobu biełaruskaha režymu vykarystać mihracyju jak srodak palityčnaha cisku na Litvu i Jeŭrapiejski sajuz — u adkaz na ich padtrymku biełaruskaj demakratyi i sankcyi za parušeńni pravoŭ čałavieka», — padkreślivajecca ŭ paviedamleńni.

Pavodle źviestak MZS, niahledziačy na intensiŭnyja dvuchbakovyja pieramovy, sprečka ab parušeńniach Pratakoła nie była ŭrehulavana, tamu Litva ŭ paniadziełak źviarnułasia ŭ Mižnarodny sud AAN, patrabujučy pryciahnieńnia Biełarusi da adkaznaści ŭ adpaviednaści ź mižnarodnym pravam.

Patrabavańni Litvy ŭklučajuć poŭnuju kampiensacyju pryčynienaj škody, uklučajučy vydatki na budaŭnictva ściany, a taksama harantyi taho, što dziejańni, što supiarečać mižnarodnamu pravu, nie paŭtoracca.

Pavodle źviestak Słužby achovy dziaržaŭnaj miažy Litvy, z pačatku mihracyjnaha kryzisu litoŭskija pamiežniki praduchilili 23,6 tys. vypadkaŭ nielehalnaha praniknieńnia inšaziemcaŭ u krainu ź Biełarusi. Adny i tyja ž asoby sprabujuć niezakonna pierasiakać miažu nieadnarazova.

Kamientary6

  • Fiedzia
    19.05.2025
    Vot tut-to litovciev ždiet bolšoj siurpriz!))))
  • Trapna
    19.05.2025
    Nikołaj, jazykom pra Haahu lapać - nie ciahniki spyniać. Chutka i Haahu tuju raspuściać, a jany ŭsio buduć jenčyć “nie šmahła, bo sud źnik”. Prydumajuć stvaryć čarhovy “trybunał”, aby hrošy myć dalej na hetaj spravie i ni za što nie adkazvać.
  • Litvin
    19.05.2025
    A jak nakont akupacyi Vilenščyny z 1939 hodu? Toje, što Stalin padaravaŭ našuju ziamlu žmudzinam, jakija skrali nie tolki naš hierb, ale i našuju historyju, nie robić jaje ichniaj. Što tam nakont pazova da letuvusaŭ?

    Na žal u našym hramadstvie bolšaści plavać nie tolki na movu, ale j na skradzienuju spadčynu. Tamu my j majem, što majem.

Ciapier čytajuć

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali

Usie naviny →
Usie naviny

Siamja ź Biełarusi na svajoj mašynie prajechała kala 10 tysiač kiłamietraŭ dziela Ehiejskaha mora6

Biełaruska ŭ 36 hadoŭ pastupaje va ŭniviersitet na dzionnaje4

U vyniku pažaru na «Kieraminie» abjom vytvorčaści zaŭvažna ŭpadzie. A ŭzharańnie mahło być uskosnym nastupstvam sankcyj14

Telegram pačaŭ rehistracyju pradstaŭnictva ŭ Rasii? Duraŭ abviarhaje7

Lidar litoŭskich kansiervataraŭ prapanuje abaviazać zamiežnikaŭ vučyć litoŭskuju dla padaŭžeńnia DNŽ61

U Trampa vyjavili chraničnaje zachvorvańnie9

ES zaćvierdziŭ novy pakiet sankcyj suprać Rasii9

Pamiatajecie dziaŭčynu, jakaja płanavała pajechać na «Mis Suśviet», a jaje aryštavali? Jana ŭžo na svabodzie3

Skraŭ $2500 i źnik. Machlar padmanuŭ bolš za 30 faundaraŭ pa ŭsim śviecie — siarod ich jość i biełarusy5

bolš čytanych navin
bolš łajkanych navin

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali

Hałoŭnaje
Usie naviny →

Zaŭvaha:

 

 

 

 

Zakryć Paviedamić