Rybaku Alaksandru z Brasłava padčas rybałki na adnym z azioraŭ Aršanskaha rajona pašancavała złavić amal što rekordny ekzemplar hetaha vidu ryby, piša Fishing.by.
«Sam ja z Brasłava, časova pražyvaju ŭ Oršy. Vyrašyŭ parybačyć u hetych miaścinach. Karasia złaviŭ na zvyčajnuju letniuju vudu, u jakaści prynady vykarystaŭ aparyša z daždžavym čarviakom», — raspavioŭ rybak.
Vaha ryby skłała 1,820 kh. Pa mierkavańni vopytnych rybałovaŭ, złavić załatoha karasia vahoj zvyš paŭtara kiłahrama — vialikaje ščaście. Heta ryba ciažkaja na rost, aściarožnaja i pieraborlivaja da prynad i nažyvak. Kruci nie kruci, a Alaksandru sapraŭdy pašancavała, bo daloka nie kožny rybak moža pachvalicca takoj załatoj rybkaj.
Jak ni dziŭna, ale załaty karaś u biełaruskich rybałovaŭ ciapier sustrakajecca redka, a trafiejnyja ekzemplary hetaj ryby i ŭvohule ŭsprymajucca jak niešta dzivosnaje. Vinoj — niazdolnaść našaha karasia kankuryravać ź jaho siarebranym subratam z dalokaha Amura, jaki kaliści zavieźli ŭ Biełaruś, i jaki dobra adaptavaŭsia da miascovych umoŭ. Dy i brakańjery zrabili svaju spravu, masava vyłoŭlivajučy hetuju rybu sietkami i miarežami.
Ale załaty karasik u biełaruskich vadajomach pakul jašče nie źnik, i čas ad času ŭsio ž raduje rybałovaŭ svaimi aściarožnymi pakloŭkami.
Ciapier čytajuć
Nasta Bazar pastupiła na prahramu Kalinoŭskaha i choča stać sacyjałahiniaj: «Vučoba paśla 40 hadoŭ — svojeasablivy eliksir maładości»73
Kamientary
...i sžerli!
Bo žrać niama ž čaho! Apaśla nas - vypalenaja ziamla!