Najbolš paciarpieli pasievy azimych kultur.
Premjer-ministr Biełarusi Alaksandr Turčyn vykazaŭsia pra viasnovyja zamarazki, paviedamiła pres-słužba ŭrada.
Turčyn adznačyŭ, što dla pavyšeńnia ŭradžajnaści i źmiakčeńnia nastupstvaŭ zamarazkaŭ, nieabchodna kampiensavać straty ŭ ziernievaj hrupie za košt pierasievu paškodžanych płoščaŭ adnahadovymi travami, a taksama kukuruzaj na ziernie.
Kiraŭnik urada padkreśliŭ, što pahodna-klimatyčnyja ŭmovy 2025 hoda dali mahčymaść sielskahaspadarčym arhanizacyjam pačać viasnovyja palavyja raboty jašče ŭ sakaviku — amal na miesiac raniej zvykłych terminaŭ.
— Adnak ciopłaje nadvorje čarhavałasia z rezkim pachaładańniem i praciahłymi zamarazkami z kanca krasavika da pieršaha tydnia maja, što niehatyŭna paŭpłyvała na raźvićcio sielskahaspadarčych kultur va ŭsich rehijonach krainy, — akcentavaŭ uvahu premjer-ministr.
Pavodle jaho słoŭ, najbolš paciarpieli pasievy azimych kultur. Jon zajaviŭ, što paškodžanyja pasievy patrabujuć dadatkovych mierapryjemstvaŭ pa dohladzie. A tyja, što vyratavać nie ŭdałosia, treba pierasiavać.
Turčyn źviarnuŭ uvahu, što ŭsie raboty pavinny być zavieršany da 1 červienia 2025 hoda.
— Taksama chaču padkreślić: biazhaspadarlivaść nie atrymajecca śpisać na składanaje nadvorje, — adznačyŭ kiraŭnik urada.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary