Sanitarny kantrol nie acaniŭ jaho inicyjatyvu.
Supracoŭniki sanitarnaha kantrolu aeraporta Huaruljus (Brazilija) praduchilili papadańnie na terytoryju krainy patencyjna niebiaśpiečnaha nasiakomaha — žuka Cryptophagus scanicus, znojdzienaha ŭ sotach ź miodam, pryviezienych pasažyram ź Biełarusi. Hety vid raniej nie rehistravaŭsia ŭ Brazilii i moža pradstaŭlać pahrozu dla miascovaha pčalarstva. Paviedamleńnie pres-słužby Ministerstva sielskaj haspadarki i žyviołahadoŭli Brazilii (MAPA) zaŭvažyŭ Reform.news.
Ekzemplary žuka i ličynki byli vyjaŭlenyja pry ahladzie bahažu 17 krasavika. Miarkujučy pa fota, biełarus pryvioz nie tolki zaražany miod, ale i kavałak sała, niekalki pałačak barysaŭskaj syravendžanaj kaŭbasy, a taksama nasieńnie.
Pa dadzienych MAPA, žuk zdolny zaražać vulli hrybkovymi infiekcyjami, što moža asłabić pčalinyja siemji i nanieści škodu miadovaj halinie. Materyjały nakiravali na analiz u Fiederalnuju łabaratoryju sielskahaspadarčaj abarony ŭ štacie Hojas, dzie śpiecyjalisty z dapamohaj DNK-daśledavańnia paćvierdzili vid.
Žuk Cryptophagus scanicus adnosicca da siamiejstva hrybnych žukoŭ. Jon charčujecca sporami i hifami hryboŭ i moža žyć u vullach, hniozdach nasiakomych, hniłoj draŭninie i navat u voŭnie žyviołaŭ. Škodu jon prynosić nie naŭprost, a jak pieranosčyk hrybkovych patahienaŭ, takich jak Ascosphaera apis i Nosema apis — uzbudžalnikaŭ niebiaśpiečnych chvarob pčoł.
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary
[Zredahavana]