Libieralnaja partyja pieramahła na parłamienckich vybarach u Kanadzie
Pavodle papiarednich vynikaŭ, Libieralnaja partyja pieramahła na vybarach u Parłamient Kanady, jakija prajšli ŭ paniadziełak. Kiraŭnik partyi, ciapierašni premjer-ministr Kanady Mark Karni ŭznačalić nastupny ŭrad krainy, piša Rasijskaja słužba Radyjo Svaboda.
Usiaho niekalki miesiacaŭ tamu apytańni hramadskaj dumki pakazvali na parazu niepapularnaj Libieralnaj partyi, što znachodzicca pry ŭładzie z 2015 hoda. Jak adznačajuć naziralniki, hetyja vybary byli nadzvyčaj niezvyčajnymi, bo hałoŭnym pytańniem na ich razam z ekanamičnym stanoviščam stali adnosiny z Złučanymi Štatami.
Zajavy Donalda Trampa pra toje, što Kanada pavinna stać 51-m štatam ZŠA, uviadzieńnie im pošlin na kanadski impart, što moža spravakavać recesiju ŭ Kanadzie, paŭpłyvali na nastroi mnohich vybarščykaŭ.
60-hadovy Mark Karni, ekanamist, jaki raniej uznačalvaŭ centralnyja banki Kanady i Vialikabrytanii, pazicyjanavaŭ siabie jak antytrampista, zasiarodziŭšy svaju pieradvybarčuju kampaniju na adnosinach z Złučanymi Štatami.
45-hadovy lidar Kansiervatyŭnaj partyi Pjer Pualjeŭr akcentavaŭ uvahu na ekanamičnych prablemach Kanady i krytykavaŭ libierałaŭ za ich, pavodle jaho słoŭ, pravalnuju ekanamičnuju palityku. Niekatoryja jaho łozunhi supadali z łozunhami Donalda Trampa. Hetaja taktyka apraŭdvała siabie na praciahu niekalkich hadoŭ. Na pačatku hetaha hoda kansiervatary, pavodle apytańniaŭ hramadskaj dumki, mieli značnuju pieravahu.
Niepapularny lidar Libieralnaj partyi Džaścin Trudo syšoŭ u adstaŭku ŭ sakaviku, i ŭžo ŭ krasaviku libierały na čale z Karni stali bolš papularnymi, čym kansiervatary.
Jak adznačajuć kamientatary, pierad pieramožcami-libierałami staić składanaja zadača naładžvańnia adnosin z administracyjaj Trampa i vyjaŭleńnia reziervaŭ dla ekanamičnaha rostu krainy, jaki ŭ apošnija hady byŭ nizkim, u toj čas jak uzrovień biespracoŭja zastavaŭsia vysokim.
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj22
Kamientary