Kultura22

Entuzijasty pierakłali na biełaruskuju movu śviežy remastar kultavaj TES IV: Oblivion

Raspracoŭščyki praviali hłyboki vizualny ciuninh hulni, a štučny intelekt dapamoh zrabić Siradził biełaruskamoŭnym. 

Banier remastara The Elder Scrolls IV: Oblivion. Fota: supołka «Hulec / Łakalizacyja videahulniaŭ»

Supołka «Hulec / Łakalizacyja videahulniaŭ» paviedamiła, što śviežy remastar hulni The Elder Scrolls IV: Oblivion (Starejšyja skrutki IV: Zabyćcio), jaki vyjšaŭ litaralna na dniach, užo možna prajści pa-biełarusku.

Pierakład byŭ vykanany z vykarystańniem štučnaha intelektu i pakul dastupnaja tolki alfa-viersija, jakaja patrabuje dapracoŭki: płanujecca palapšeńnie stylu, udakładnieńnie terminałohii i vypraŭleńnie pamyłak.

Spampavać łakalizacyju možna praz Google Drive. Aŭtary zaprašajuć usich žadajučych dałučycca da dapracoŭki praz Discord (karystalnik alten231).

Prykład pierakładu dyjałohaŭ. Fota: supołka «Hulec / Łakalizacyja videahulniaŭ»
Prykład pierakładu mieniu stvareńnia piersanažaŭ. Fota: supołka «Hulec / Łakalizacyja videahulniaŭ»
Prykład pierakładu mieniu piersanaža. Fota: supołka «Hulec / Łakalizacyja videahulniaŭ»

Novaje žyćcio dla «Zabyćcia»

The Elder Scrolls IV: Oblivion vyjšła ŭ dalokim 2006 hodzie i stała adnoj z samych upłyvovych rolevych hulniaŭ svajho času. Jana zadała novy standart dla adkrytych śvietaŭ u RPG, prapanoŭvajučy hulcam nievierahodnuju svabodu vybaru i daśledavańnia. Oblivion mocna paŭpłyvała na dalejšaje raźvićcio žanru i zakłała asnovu dla budučych chitoŭ, takich jak Skyrim.

22 krasavika 2024 hoda The Elder Scrolls IV: Oblivion Remastered aficyjna vyjšaŭ u Steam, a taksama na PlayStation 5 i Xbox Series X|S. Dla padpisčykaŭ Game Pass Ultimate hulnia dastupnaja biaspłatna z momantu vychadu.

Impierski horad u remastary The Elder Scrolls IV: Oblivion. Skrynšot hulni
Monstry ŭ remastary The Elder Scrolls IV: Oblivion. Skrynšot hulni

U bazavaj viersii remastara ŭžo ŭklučany ŭsie asnoŭnyja dapaŭnieńni, u tym liku Knights of the Nine (Rycary Dzieviaci) i Shivering Isles (Dryhotkija astravy), a taksama ŭsie inšyja DLC z aryhinalnaj viersii hulni.

Nad abnoŭlenym vydańniem Bethesda pracavała sumiesna z kampanijaj Virtuos Games, viadomaj pa pracy nad pieravydańniami The Outer Worlds i budučym remiejkam Metal Gear Solid 3.

Kniaź varjactva Šeaharat u remastary The Elder Scrolls IV: Oblivion. Skrynšot hulni
Piejzažy Siradziła ŭ remastary The Elder Scrolls IV: Oblivion. Skrynšot hulni

Standartnaje vydańnie Oblivion Remastered kaštuje 50 dołaraŭ, a dla tych, chto žadaje atrymać dadatkovy kantent, prapanujecca Deluxe-viersija, kudy ŭvachodzić novy nabor zbroi i brani — i, kaniečnie, lehiendarnaja brania dla kania.

Abnoŭleny Oblivion pakazaŭ imklivy rost aŭdytoryi: užo za pieršyja čatyry dni kolkaść hulcoŭ pieravysiła 4 miljony. Pavodle danych SteamDB, pikavy anłajn dasiahnuŭ 190 tysiač čałaviek, a vodhuki paśla zapusku stabilizavalisia na ŭzroŭni «vielmi stanoŭčych».

Što źmianiłasia

Remastar atrymaŭ poŭnaje adnaŭleńnie śvietu na Unreal Engine 5 pry zachavańni technałahičnaj asnovy aryhinalnaha ruchavika Gamebryo. Pierapracavany hiejmpłej uklučaje novuju sistemu prakački, jakaja spałučaje elemienty Oblivion i Skyrim, a bajavaja sistema atrymała novyja animacyi, palepšanyja aŭdyjoefiekty i bolš žyvuju reakcyju praciŭnikaŭ na ŭdary.

Fłora i faŭna Siradziła ŭ remastary The Elder Scrolls IV: Oblivion. Skrynšot hulni
Paraŭnańnie źmianieńnia hrafiki ŭ remastary ŭ paraŭnańni z aryhinałam. Skrynšot hulni

Dyjałohi i vypadkovyja repliki byli pierazapisanyja z pavieličeńniem kolkaści aktoraŭ ahučki, ale ŭsie znakavyja frazy, u tym liku «Stop right there, criminal scum!», zastalisia. Pierapracavany interfiejs staŭ bolš zručnym.

Razam z usimi hetymi źmienami zachavalisia i niekatoryja aryhinalnyja bahi, što nadało prajektu asablivuju nastalhičnuju atmaśfieru.

«Naša Niva» — bastyjon biełaruščyny

PADTRYMAĆ

Kamientary2

  • Kaljan
    27.04.2025
    Na vtorom foto vrodie Kočanova
  • Hulec
    28.04.2025
    Oblivion - kultuavaja hulnia. I navat jaje remastered nieparaŭnalna lepš zajšoŭ, čym niadaŭnija "prahresiŭnyja" hulni, asabliva tyja z transprapahandaj ci blackwashing, jak naprykład Assassin's Creed: Shadows, štučnaje ŭstaŭleńnie ŭ jakuju samuraja niehra baraniła NN.

Ciapier čytajuć

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

Usie naviny →
Usie naviny

Padčas vizitu Patryjarcha Kiryła na minskaj Niamizie paralizavała ruch VIDEA9

Fatohraf-ahient Miščuk nie pamiataje, jak rabiŭ svoj zdymak na pašpart prykryćcia. I jašče šmat što nie pamiataje9

Na vystavie «Biełahra» pieramoh Pryhožyn2

Pucin upieršyniu prakamientavaŭ padryŭ mosta, jaki abrynuŭsia na ciahnik u Branskaj vobłaści7

SBU apublikavała novyja kadry z dronaŭ, što bili pa aeradromach Rasii. Usio ž A-50 paškodžanyja taksama2

Biełaruska pakazała, što zmahła nabyć u «Jeŭraopcie» za 50 rubloŭ6

Pamierła Alaksandra Čarniaŭskaja

Prapahandysty zajavili pra zatrymańnie miadzielskaha muzyki, pra jakoha pisała Bondarava2

Francuzski tyktokier pryhatavaŭ biełaruskuju babku pad pieśniu Karža — i vyklikaŭ sprečku ab prynaležnaści Branska2

bolš čytanych navin
bolš łajkanych navin

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić