Nieruchomaść88

Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?

U 2017 hodzie mazyrčuk Jaŭhien Rajeŭski pabudavaŭ sabie chatu za $1000 ź piasku, sałomy i hliny i ŭpieršyniu zastaŭsia ŭ joj zimavać (na kamunikacyi pajšło jašče kala 10 tysiač dalaraŭ). Z taho času ŭžo minuła vosiem hadoŭ — jak mužčynie žyviecca tam siońnia?

Jaŭhien na fonie ŭłasnaručna pabudavanaha doma. Sam učastak abyšoŭsia jamu ŭ svoj čas u 150 dalaraŭ. Skrynšot: @NaturalBuilding / YouTube

Dom Jaŭhiena staić na ŭčastku pamieram 25 sotak na terytoryi vioski Mirnaje, što ŭ Lelčyckim rajonie. Sama chatka zajmaje kala 45 kvadratnych mietraŭ. Unutry majecca ŭsio nieabchodnaje dla žyćcia — kuchnia, nievialičkaja pieč-mazanka, sanvuzieł ź ciopłaj padłohaj u im, a taksama spalnia ź jašče adnoj dadatkovaj piečkaj. Na hetaj płoščy taksama raźmiaściłasia nievialikaja vieranda, kamora i tambur dla zachoŭvańnia praduktaŭ.

Pra svajo žyćcio tam Jaŭhien raskazvaje ŭ jutub-błohu, za jakim ciapier sočyć amal sto tysiač čałaviek, i ŭ sacsietkach.

Kuchnia i spalnia ŭ domie Jaŭhiena. Usiu meblu jon taksama stvaraŭ svaimi rukami. Fota: @evgenij.raevskij / Instagram
Fota: @evgenij.raevskij / Instagram

Fiška doma, jakaja robić jaho sapraŭdy ŭnikalnym — vokny-vačnicy, nibyta ź filma pra chobitaŭ, i jašče adno akno prosta ŭ dachu. Dach zvonku achutvaje trava — takim čynam dom hladzicca vielmi naturalna ŭ pryrodnym łandšafcie, stvarajučy ź im adnu niepadzielnuju kampazicyju.

Internet u domie — mabilny. Pradukty dastaŭlajucca roznymi słužbami dastaŭki, a taksama paśla zakazaŭ z sajta pošty raz na tydzień. Jaŭhien — adziny žychar vioski sa stałaj prapiskaj tut. Pra toje, jak jon vyžyvaje ŭ takoj adzinocie, jon źniaŭ asobny vypusk (spojler: nie dajuć zasumavać katy, jakich jon padkormlivaje, i šmat pracy — čaściej za ŭsio raboty pa domie i aharodzie mužčyna zakančvaje pozna nočču).

Apošnija hady Jaŭhien dadatkova zachapiŭsia vyroščvańniem drevaŭ i raślin, tamu ŭ jaho domie ŭ siezon šmat rasady, a na ŭčastku vyrasła jomistaja ciaplica. Chutka budzie radavać voka vinahradnaja aleja.

Choć chłopiec u minułym i skančvaŭ budaŭničy technikum, padčas samastojnaha budaŭnictva pryjšłosia čytać šmat dadatkovaj litaratury i hladzieć tematyčnyja videa. Heta ŭsio roŭna nie ŭratavała ad pamyłak: tak, vopytnym šlacham było vyśvietlena, što nie ŭsie materyjały ŭ domie zmohuć być naturalnymi, bo tyja chutka achutvaje ćvil i atakujuć žuki. U budučyni mužčyna płanuje jak minimum zamianić hlinianuju padłohu na bietonnuju, aśviažyć niekatoryja słupy.

Pobač z domam Jaŭhiena vyras padobny domik dla jaho siabra Siarhieja. Praŭda, toj pryjazdžaje siudy vyklučna na leta, jak na lecišča.

Dziesiać hadoŭ tamu pierabracca z horada ŭ viosku Jaŭhiena matyvavała žadańnie źmianić žyćcio da lepšaha: na toj momant jamu było 20 hadoŭ, nichto nie vieryŭ, što chłopiec zabavicca ŭ vioscy nadoŭha, ale jon nie prosta zabaviŭsia, a stvaryŭ sabie tut ceły suśviet, na kantraście ź jakim u horadzie, pa słovach Jaŭhiena, jamu ŭžo sumna.

«Naša Niva» — bastyjon biełaruščyny

PADTRYMAĆ

Kamientary8

  • r a d a r
    27.04.2025
    Hłavnoje čto sosiediej niet
  • Nata
    27.04.2025
    Unikalnyj čiełoviek! Dostoin uvažienija i voschiŝienija.
  • Nuf-Nuf
    27.04.2025
    Ja rabiŭ heta, kali heta jašče nie było mejnstrymam

Nie horš za Amieryku i Zachodniuju Jeŭropu. Jak by vyhladaŭ Minsk, kali b byli realizavanyja davajennyja savieckija prajekty15

Nie horš za Amieryku i Zachodniuju Jeŭropu. Jak by vyhladaŭ Minsk, kali b byli realizavanyja davajennyja savieckija prajekty

Usie naviny →
Usie naviny

Śpiecyjalistu pa biaśpiecy, jaki pracavaŭ u MTB i Biełśvisbanku, dali kałoniju pa palityčnym artykule3

Na matčy Italija — Izrail buduć zadziejničany kinołahi, sapiory, bieśpiłotniki, technałohija vyjaŭleńnia zbroi i vybuchoŭki

Zbornaja Fareraŭ — bolš nie futbolny karlik. Jany majuć čatyry pieramohi ŭ adbory4

Tramp: ZŠA mohuć pieradać Ukrainie rakiety «Tamahaŭk», kali Rasija nie pakładzie kaniec vajnie ŭ najbližejšy čas7

U Biełarusi pajšoŭ pieršy śnieh VIDEA1

Zbornaja Biełarusi pa futbole znoŭ prajhrała šatłandcam u adboračnym matčy. Zatoje choć raz zabili6

Biełaruska vyrašyła zhaniać na elektrakary ź Minska ŭ Sankt-Pieciarburh. I ŭsio pajšło nie tak24

U MZS raskazali, ź jakimi krainami viaduć pieramovy pra biaźvizavy režym6

Zabity pałkaj voŭk nie byŭ šalonym: praciah historyi ź Ivacevickaha rajona25

bolš čytanych navin
bolš łajkanych navin

Nie horš za Amieryku i Zachodniuju Jeŭropu. Jak by vyhladaŭ Minsk, kali b byli realizavanyja davajennyja savieckija prajekty15

Nie horš za Amieryku i Zachodniuju Jeŭropu. Jak by vyhladaŭ Minsk, kali b byli realizavanyja davajennyja savieckija prajekty

Hałoŭnaje
Usie naviny →

Zaŭvaha:

 

 

 

 

Zakryć Paviedamić