Нерухомасць88

Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?

У 2017 годзе мазырчук Яўген Раеўскі пабудаваў сабе хату за $1000 з пяску, саломы і гліны і ўпершыню застаўся ў ёй зімаваць (на камунікацыі пайшло яшчэ каля 10 тысяч даляраў). З таго часу ўжо мінула восем гадоў — як мужчыне жывецца там сёння?

Яўген на фоне ўласнаручна пабудаванага дома. Сам участак абышоўся яму ў свой час у 150 даляраў. Скрыншот: @NaturalBuilding / YouTube

Дом Яўгена стаіць на ўчастку памерам 25 сотак на тэрыторыі вёскі Мірнае, што ў Лельчыцкім раёне. Сама хатка займае каля 45 квадратных метраў. Унутры маецца ўсё неабходнае для жыцця — кухня, невялічкая печ-мазанка, санвузел з цёплай падлогай у ім, а таксама спальня з яшчэ адной дадатковай печкай. На гэтай плошчы таксама размясцілася невялікая веранда, камора і тамбур для захоўвання прадуктаў.

Пра сваё жыццё там Яўген расказвае ў ютуб-блогу, за якім цяпер сочыць амаль сто тысяч чалавек, і ў сацсетках.

Кухня і спальня ў доме Яўгена. Усю мэблю ён таксама ствараў сваімі рукамі. Фота: @evgenij.raevskij / Instagram
Фота: @evgenij.raevskij / Instagram

Фішка дома, якая робіць яго сапраўды ўнікальным — вокны-вачніцы, нібыта з фільма пра хобітаў, і яшчэ адно акно проста ў даху. Дах звонку ахутвае трава — такім чынам дом глядзіцца вельмі натуральна ў прыродным ландшафце, ствараючы з ім адну непадзельную кампазіцыю.

Інтэрнэт у доме — мабільны. Прадукты дастаўляюцца рознымі службамі дастаўкі, а таксама пасля заказаў з сайта пошты раз на тыдзень. Яўген — адзіны жыхар вёскі са сталай прапіскай тут. Пра тое, як ён выжывае ў такой адзіноце, ён зняў асобны выпуск (спойлер: не даюць засумаваць каты, якіх ён падкормлівае, і шмат працы — часцей за ўсё работы па доме і агародзе мужчына заканчвае позна ноччу).

Апошнія гады Яўген дадаткова захапіўся вырошчваннем дрэваў і раслін, таму ў яго доме ў сезон шмат расады, а на ўчастку вырасла ёмістая цяпліца. Хутка будзе радаваць вока вінаградная алея.

Хоць хлопец у мінулым і сканчваў будаўнічы тэхнікум, падчас самастойнага будаўніцтва прыйшлося чытаць шмат дадатковай літаратуры і глядзець тэматычныя відэа. Гэта ўсё роўна не ўратавала ад памылак: так, вопытным шляхам было высветлена, што не ўсе матэрыялы ў доме змогуць быць натуральнымі, бо тыя хутка ахутвае цвіль і атакуюць жукі. У будучыні мужчына плануе як мінімум замяніць гліняную падлогу на бетонную, асвяжыць некаторыя слупы.

Побач з домам Яўгена вырас падобны домік для яго сябра Сяргея. Праўда, той прыязджае сюды выключна на лета, як на лецішча.

Дзесяць гадоў таму перабрацца з горада ў вёску Яўгена матывавала жаданне змяніць жыццё да лепшага: на той момант яму было 20 гадоў, ніхто не верыў, што хлопец забавіцца ў вёсцы надоўга, але ён не проста забавіўся, а стварыў сабе тут цэлы сусвет, на кантрасце з якім у горадзе, па словах Яўгена, яму ўжо сумна.

«Наша Нiва» — бастыён беларушчыны

ПАДТРЫМАЦЬ

Каментары8

  • r a d a r
    27.04.2025
    Главное что соседей нет
  • Ната
    27.04.2025
    Уникальный человек! Достоин уважения и восхищения.
  • Нуф-Нуф
    27.04.2025
    Я рабіў гэта, калі гэта яшчэ не было мэйнстрымам

Цяпер чытаюць

КДБ арыштаваў падазронага актывіста Паўла Бялюціна. У якой краіне гэта адбылося, невядома8

КДБ арыштаваў падазронага актывіста Паўла Бялюціна. У якой краіне гэта адбылося, невядома

Усе навіны →
Усе навіны

Ваюючы за Расію, загінуў былы работнік мінскага ГУМа3

«Чырвоныя лініі»: Трамп адказаў, пры якіх умовах ЗША выйдуць з перамоў адносна вайны

Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША24

Ультраправы палітык перамог у першым туры перавыбараў у Румыніі. У яго ажно 41%27

Сёння павінен канчаткова перастаць працаваць Skype1

Трамп даручыў адкрыць турму для асабліва небяспечных злачынцаў на востраве Алькатрас1

«На Раство падарылі 5 кілаграмаў рысу». Беларуска ў 65 гадоў пераехала ў Гану і займаецца манікюрам1

Ці ўключаць у Беларусі ацяпленне з-за халоднага надвор'я, адказалі ў ЖЭУ

«Этэрнаўт»: аргенцінскі Netflix выпусціў шматзначны серыял пра апакаліпсіс2

больш чытаных навін
больш лайканых навін

КДБ арыштаваў падазронага актывіста Паўла Бялюціна. У якой краіне гэта адбылося, невядома8

КДБ арыштаваў падазронага актывіста Паўла Бялюціна. У якой краіне гэта адбылося, невядома

Галоўнае
Усе навіны →

Заўвага:

 

 

 

 

Закрыць Паведаміць