Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?
Horš, čym u Biełarusi, tolki ŭ Francyi, zapeŭnivaje viadomy rejtynhavy sajt Numbeo.
Numbeo — vielizarnaja baza danych pra charaktarystyki žyćcia ŭ roznych krainach śvietu. Zbolšaha jany raskazvajuć pra košt žyćcia ŭ toj ci inšaj krainie, ale taksama adznačajuć roźnicu ŭ cenach na žyllo i faktarach, jakija ŭpłyvajuć na jakaść žyćcia.
Adzin ź ich — indeks złačynnaści. Numbeo abnaŭlaje rejtynhi dva razy na hod, i ciapier užo dastupnyja danyja za 2025 hod.
I hetyja vyniki mohuć ździvić: u śviežym rejtynhu Biełaruś znachodzicca na druhim miescy ŭ Jeŭropie pa ŭzroŭni złačynnaści. Pavodle padlikaŭ, situacyja horšaja tolki ŭ Francyi.
Nižej za nas u rejtynhu apynulisia i raźvityja krainy nakštałt Brytanii ci Bielhii, i bolš maładyja krainy — naprykład, Kosava trapiła ŭ hetym rejtynhu na 15-je miesca z 43 pazicyj.
Druhoje miesca pa złačynnaści — heta ŭražvaje. Tym bolš Biełaruś — jak i mnohija aŭtarytarnyja krainy, — jakraz słavicca biaśpiekaj (kali heta nie datyčycca palityčnaha pieraśledu). Turysty adznačajuć, što pa vulicach biełaruskich haradoŭ možna hulać choć unačy, nie bajučysia napadu nijakich chulihanaŭ ci kryminalnikaŭ.
Za rejtynham staić viadomaja krynica. Ale pra što nasamreč kažuć takija danyja?
Aŭtary rejtynha źviartajuć uvahu, što ŭ jaho asnovie vyniki apytanak, na jakija adkazvajuć naviedvalniki sajta, to-bok tut nie idzie havorki pra aficyjnyja ličby kolkaści złačynstvaŭ. Takim čynam, druhoje miesca Biełarusi ŭ rejtynhu kaža pra toje, nakolki biaśpiečna siabie adčuvajuć biełarusy, a nie pra abjektyŭny ŭzrovień złačynnaści.
«Naša Niva» — bastyjon biełaruščyny
PADTRYMAĆCiapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary
Jeśli, etu, połulehalnuju (uzakoniennoje biezzakonije) zonu priplusovať k bazam dannych i vklučiť v analiz, to Biełaruś zajmiot - PIERVOJE MIESTO sriedi stran Afriki, a nie tolko Jevropy !