Biełarusaŭ, jakija časta jeździać dadomu, vyrašyli nie pazbaŭlać DNŽ u Litvie
Siejm Litvy ŭ čaćvier praciahnuŭ jašče na adzin hod nacyjanalnyja sankcyi ŭ dačynieńni da hramadzian Rasii i Biełarusi. Za heta prahałasavali 115 deputataŭ Siejma, suprać nie było nivodnaha, adzin palityk ustrymaŭsia, paviedamlaje LRT.
Paśla abmierkavańnia parłamientaryi padtrymlivali bolš strohija abmiežavalnyja miery, čym tyja, što dziejničajuć ciapier, adnak u pracesie kančatkovaha pryniaćcia ad ich admovilisia.
Pieršapačatkova mierkavałasia bolš uraŭnavažyć sankcyi dla hramadzian Rasii i Biełarusi, admaŭlajučysia prymać ad apošnich, jak i ad rasijan, zajavy na vydaču dazvołaŭ na žycharstva ŭ Litvie, kali ŭ ich niama dziejnaj vizy.
Adnak hetaja inicyjatyva nie była padtrymana, bo było zajaŭlena, što nielha pryraŭnoŭvać hramadzian Biełarusi da rasijan, pakolki jany nie apraŭdvajuć i nie padtrymlivajuć ahresiŭnyja dziejańni i palityku, jakija pravodziacca suprać Ukrainy. Tamu im pa-raniejšamu pavinien być pradastaŭleny pravavy miechanizm dla ŭjezdu ŭ Litvu z metaj pracoŭnaj dziejnaści.
Taksama prapanoŭvałasia anuloŭvać užo vydadzienyja dazvoły na žycharstva ŭ Litvie, kali hramadzianie Rasii abo Biełarusi bolš za adzin raz ciaham troch kalandarnych miesiacaŭ naviedvali hetyja krainy. Ad hetaj prapanovy taksama admovilisia padčas pryniaćcia.
-
Niekalki vyzvalenych palitviaźniaŭ praviali svoj pieršy viečar na voli ŭ vilenskaj biełaruskaj karčmie «1863» FOTAFAKT
-
Źmieniacca praviły pracy kantraloraŭ u hramadskim transparcie
-
Litoŭskaja stamatałohija za hadzinu adhuknułasia dapamahčy biełarusam. Nieviadomyja historyi pieršaha dnia vyzvalenych palitviaźniaŭ
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary