Prezident ZŠA Donald Tramp praciahnuŭ jašče na hod zabaronu na ŭvachod rasijskich sudnaŭ u amierykanskija party. Pra heta havorycca ŭ rasparadžeńni, apublikavanym u Fiederalnym rejestry ZŠA.
Jak rastłumačyŭ Donald Tramp, palityka i dziejańni ŭrada Rasii praciahvajuć ujaŭlać pahrozu nacyjanalnaj biaśpiecy ZŠA z-za parušeńnia mižnarodnych adnosin.
U krasaviku 2022 hoda tahačasny prezident ZŠA Džo Bajden upieršyniu zabaraniŭ sudnam pad rasijskim ściaham, a taksama lubym sudnam, źviazanym z Rasijaj, zachodzić u amierykanskija party. Z tych časoŭ hetaja zabarona nieadnarazova padaŭžałasia.
Raniej u Dziaržaŭnym departamiencie padkreślivali, što ZŠA nie buduć zaklučać z Rasijaj nijakich pahadnieńniaŭ i nie buduć zdymać ź jaje sankcyi, pakul u vajnie suprać Ukrainy nie budzie dasiahnutaje spynieńnie ahniu.
10 krasavika Tramp praciahnuŭ režym nadzvyčajnaha stanovišča praz «škodnuju zamiežnuju dziejnaść urada RF». U toj ža čas jon zajaviŭ, što nie budzie ŭvodzić novyja sankcyi suprać Rasii paśla abstrełu na Vierbnuju niadzielu Sumaŭ, u vyniku čaho zahinuli 35 čałaviek.
Bieły dom papiaredziŭ Kitaj pra pošliny da 245%
Stała viadoma, jak Tramp choča nacisnuć na Kitaj u raźviazanaj handlovaj vajnie
ZŠA zabłakavali pryniaćcie zajavy G7 adnosna rasijskaha rakietnaha ŭdaru pa Sumach
Administracyja Trampa zamaroziła 2,2 miljarda dalaraŭ dla Harvardskaha ŭniviersiteta
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
Juraś Ziankovič raskazaŭ pra svajo vyzvaleńnie i šlach u ZŠA6
Kamientary