Katolikam dazvolili pravieści tradycyjnyja Kryžovyja šlachi tolki ŭ adnoj vobłaści
Sioleta tradycyjnyja dla Vialikaha postu nabaženstvy Kryžovaha šlachu, kali ŭšanoŭvajecca pamiać Isusa Chrysta, katolikam dazvolili pravieści pa vulicach haradoŭ tolki ŭ adnym rehijonie Biełarusi — Hrodzienskaj vobłaści. Tam pracent katalickich viernikaŭ najbolšy, piša katolik.life.
U minułuju piatnicu katoliki pravodzili Kryžovy šlach u centry Smarhoni i Dziatłava, u subotu — pa vulicach Hrodna, u niadzielu — u centry Vialikaj Bierastavicy.
U Vialikuju sieradu, 16 krasavika haradskija nabaženstvy projduć pa vulicach Iŭja i Navahrudka.
Taksama 16 krasavika ahulnaharadski Kryžovy šlach zapłanavany ŭ Minsku, ale jon adbudziecca ŭ dvary chrama — kaścioła na Załatoj Horcy.
Bolš nidzie ŭ Biełarusi nie anansavałasia praviadzieńnia nabaženstva pa vulicach. Znoŭ nie budzie sioleta Kryžovaha šlachu ŭ Baranavičach. U hetym rajonnym centry Bresckaj vobłaści taksama vialiki pracent katolikaŭ — u horadzie 5 kaściołaŭ i adna katalickaja kaplica.
Z 2014 hoda tut štohod pravodzili pa centralnych vulicach Kryžovy šlach, jaki źbiraŭ sotni viernikaŭ. Letaś haradskija ŭłady admovili miascovym katolikam u praviadzieńni haradskoha nabaženstva ŭ suviazi z «intensiŭnaściu ruchu aŭtatranspartu» i z pryčyny praviadzieńnia Maślenicy ŭ toj ža dzień, kali vierniki prasili dazvolić Kryžovy šlach.
Sioleta ŭ harvykankam znoŭ padavali prośbu ab praviadzieńni nabaženstva pa vulicach. Ale, jak daviedalisia vierniki, hetaja prośba była praihnaravanaja — ułady dahetul nie dali nijakaha adkazu.
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora4
Kamientary