U minskim vydaviectvie Ramana Cymbierava vyjšła kniha piśmieńnika i litaraturaznaŭcy Alesia Paškieviča «Ciaślar voli. Kniha pra Alesia Haruna», pryśviečanaja žyćciu i tvorčaści kłasika nacyjanalnaj litaratury, adnaho ź pieršych biełaruskich revalucyjanieraŭ i adradžencaŭ XX stahodździa Alaksandra Prušynskaha, piša Bellit.info.
U hruntoŭnym navukova-papularnym vydańni, jakoje bahata prailustravanaje fotamateryjałami, ŭpieršyniu ŭdakładniajucca mnohija fakty žyćcia piśmieńnika — ad jaho miesca naradžeńnia i miaścin malenstva da irkuckaj vysyłki i hadoŭ stanaŭleńnia biełaruskaj niezaležnaści.
Čytač zmoža prajści za aŭtaram pa dakumientalna aśvietlenych darohach tvorcy i hramadskaha dziejača: miaścinami jaho baćkoŭ, ściežkami malenstva, daŭnimi radavodnymi skryžavańniami, ssylnymi sibirskimi etapami, a taksama spryčynicca da spaścižeńnia krynic tvorčaści dy vytokaŭ hramadska-palityčnaj dziejnaści.
Navinka pradajecca ŭ «Akademknizie», «Knižnaj šafie», na kniger.by i knihi.by.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary