Piaskoŭ pra ŭdar pa Kryvym Rohu: Našy vajskoŭcy nanosiać udary vyklučna pa vajennych i kalavajennych celach
U vyniku rasijskaj ataki, ažyćcioŭlenaj u piatnicu, zahinuli 20 čałaviek, u tym liku dzieviać dziaciej.
Pres-sakratar Uładzimira Pucina prakamientavaŭ rasijski ŭdar pa Kryvym Rohu, ažyćcioŭleny ŭ piatnicu.
«Našy vajskoŭcy nanosiać udary vyklučna pa vajennych i kalavajennych celach. Nijakich udaraŭ pa sacyjalnych abjektach, pa abjektach sacyjalnaj infrastruktury nie nanosicca», — zajaviŭ pres-sakratar Pucina.
Tak pres-sakratar Kramla adkazaŭ na pytańnie, «źviazannaje z udaram pa adnym z restaranaŭ u Kryvym Rohu 4 krasavika».
Minabarony Rasii raniej zajaŭlała, što ŭdar byŭ naniesieny «pa miescy praviadzieńnia narady z kamandzirami złučeńniaŭ i zachodnimi instruktarami ŭ adnym z restaranaŭ».
Niezaležnyja analityki ŭstanavili, što miesca ŭdaru apynułasia bližej da dziciačaj placoŭki, čym da restarana, jaki, vierahodna, miełasia na ŭvazie ŭ paviedamleńni Minabarony Rasii. Budynak restarana, u jakim 4 krasavika prachodziła kanviencyja, źviazanaja z bjuci-industryjaj, praktyčna nie paciarpieŭ.
U vyniku rasijskaj ataki, ažyćcioŭlenaj u piatnicu, zahinuli 20 čałaviek, u tym liku dzieviać dziaciej. U balnicach zastajecca 33 čałavieki, ź ich 18 u ciažkim stanie.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary