50 tysiač dalaraŭ za kvitki: biełaruska nie moža trapić na lačeńnie ŭ Kitaj praz šalony ceńnik avijakampanii
Niečakanaja chvaroba pieraviarnuła žyćcio maładoj žančyny z Červienia. U 36 hadoŭ jana straciła mahčymaść chadzić i navat siadzieć. Niadaŭna joj sabrali hrošy na apieracyju ŭ Kitai. Ale vyśvietliłasia, što dla lažačych pasažyraŭ kvitki kaštujuć dziasiatki tysiač dalaraŭ.
Kali Valancinie Aŭtuchovič było 36 hadoŭ, jana sutyknułasia ź niečakanaj prablemaj sa zdaroŭjem. Pačała mocna baleć naha — maładaja žančyna nie mahła chadzić i navat siadzieć. Trapiła ŭ balnicu: kropielnicy, ukoły, masažy — ničoha nie dapamahała. Uvieś čas prychodziłasia lažać na žyvacie.
Praz paŭtara miesiaca Valancinie zrabili apieracyju, kab vyrašyć pytańnie ź mižchrybietnaj hryžaj. Paśla miedycynskaha ŭmiašańnia žančyna znoŭ pačała chadzić — było ciažka, baluča, ale daktary kazali, što tak i pavinna być. Praz dva tydni žančyna adčuła, što nohi pačali niamieć…
Za apošnija čatyry hady Valancina pieražyła piać apieracyj. Ciapier jana maje invalidnaść pieršaj hrupy. Jaje dyjahnaz hučyć tak: sindrom apieryravanaha pazvanočnika. Pierasoŭvacca maładaja žančyna nie moža navat u vazku, bo nie moža siadzieć.
Valancina spadziajecca, što joj zmohuć dapamahčy daktary ŭ Kitai. Jana raspačała zbor hrošaj na apieracyju ŭ toj krainie. Za dzieviać miesiacaŭ atrymałasia sabrać nieabchodnuju sumu — 60 tysiač dalaraŭ.
Zdavałasia b, samy składany etap skončany. Ale raptoŭna vyśvietliłasia, što pieralot pa maršrucie Minsk-Piekin-Minsk dla lažačaha pasažyra kaštuje amal 50 tysiač dalaraŭ.
Blizkija Valanciny nijak nie mahli pavieryć u taki kaśmičny košt i paprasili ŭ avijakampanii AirChine padrabiazny kaštarys. Ale cudu nie adbyłosia: vyśvietliłasia, što suma była nazvana dakładna. Reč u tym, što dla avijakampanii transparciroŭka lažačaha pasažyra značyć mnostva spadarožnych prablem — isnujuć peŭnyja patrabavańni dla takich situacyj.
Kab pieravieźci takoha čałavieka, nieabchodna vykupić dla jaho adrazu ad 9 da 12 miescaŭ (u zaležnaści ad pravił avijakampanii). AirChina patrabuje vykupać dla lažačaha pasažyra 12 kvitkoŭ. Košt adnaho — 1900 dalaraŭ (bo patrabujuć nabyvać samy darahi varyjant z mahčymych dla ekanoma).
U kamientaryjach u instahramie pytajucca, čamu nie razhladajecca varyjant lacieć «Biełavija». Čałaviek, jaki viadzie staronku, adkazvaje, što ŭ biełaruskaj avijakampanii niama pramoha pieralotu ŭ Piekin. Belavia lotaje ŭ inšy kitajski horad — Urumčy. Pamiž Piekinam i Urumčy prykładana 2800 kiłamietraŭ. Lacieć z Maskvy atrymlivajecca tańniej, ale vielmi składana arhanizavać usiu łahistyku i zrabić ciarpimym doŭhi šlach dla lažačaha čałavieka.
Pryjechać u kitajskuju kliniku Valancinie treba ŭžo naprykancy maja, tamu sumu zboru ekstranna pavialičyli na košt kvitkoŭ.
Ciapier čytajuć
«Staŭleńnie jak da skaciny». Prarasijski błohier raskazaŭ pra 25 sutak ŭ IČU1
«Staŭleńnie jak da skaciny». Prarasijski błohier raskazaŭ pra 25 sutak ŭ IČU
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary
Kali praz tydzień vyjdzie kamientar niejkaha ambasadara ci jašče kaho z Kitaja, što jany dajuć darmovy pieralot i navat lačeńnie “najlepšym siabram ź Biełarusi”, vy viedajecie, što heta ;)
A kali historyja realnaja - niezaležna ad usich bienieficyjentaŭ - niachaj usio składziecca tak, kab našaja ziamlačka znovu zmahła žyć i prasoŭvacca na svaich nohach!