«Vydatnyja naviny», «krutoje rašeńnie». Hrafač i Marharyta Simańjan u zachapleńni ad mahčymaha zakryćcia «Svabody»
Łukašenkaŭskaja prapahanda ŭchvalaje novyja kroki administracyi Donalda Trampa.
«Vydatnyja naviny, — piša telehram-kanał «Žoŭtyja źlivy», źviazany ź biełaruskim represiŭnym aparatam. — Tramp padpisaŭ ukaz ab likvidacyi siami fiederalnych ahienctvaŭ, uklučajučy Ahienctva hłabalnych miedyja ZŠA.
Mienavita jano kuryravała takija infarmacyjnyja resursy, jak «Hołas Amieryki», «Radyjo Svaboda/Radyjo Svabodnaja Jeŭropa», «Radyjo Svabodnaja Azija».
«Ciapier im para asvojvać novuju prafiesiju. Birža pracy čakaje!» — vitajuć navinu «Žoŭtyja źlivy».
«Atrymlivajecca, bieź dziaržaŭnaj padtrymki «zmahary za svabodu» nie takija ŭžo i krutyja», — kpić kanał «Hłas MIDa», jaki źviazany z pres-słužbaj Ministerstva zamiežnych spraŭ Biełarusi.
Telehram-kanał «Hrafač», jaki źviazvajuć ź ministram infarmacyi Maratam Markavym, paraŭnaŭ zakryćcio «Svabody» pa svaim značeńni z vyvadam amierykanskich vojskaŭ z Afhanistana.
«Zakryćcio prajektaŭ USAID i «Radyjo Svaboda» pa sutnaści nahadvaje vyvad amierykanskich vojskaŭ z Afhanistana. Haspadary kinuli dziasiatki tysiač svaich prysłužnikaŭ, jakija čaplalisia za šasi vajskovych samalotaŭ, jakija adlatali, nie zvažajučy na ich dalejšy los», — žaryć «Hrafač».
«Siońnia śviata ŭ maich kaleh na RT i «Sputniku», tamu što Tramp abviaściŭ pra zakryćcio «Radyjo Svaboda» i «Hołasu Amieryki». Heta krutoje rašeńnie z boku Trampa!» — zajaviła, u svaju čarhu, kiraŭnica Russia Today Marharyta Simańjan u efiry prahramy Uładzimira Sałaŭjova na telekanale «Rośsija», na jakim prysutničaŭ taksama Vadzim Hihin.
«Radyjo Svaboda» i telekanał «Nastojaŝieje vriemia» prypyniajuć pracu 1 krasavika
U Trampa patłumačyli rašeńnie spynić finansavańnie «Hołasu Amieryki»
«Upieršyniu za 83 hady lehiendarny «Hołas Amieryki» zmušany zmoŭknuć»
Tramp padpisaŭ ukaz ab značnych skaračeńniach na «Radyjo Svaboda» i jašče šaści navinavych karparacyjach
U ZŠA abviaścili ab admienie padpisak na mižnarodnyja navinavyja ahienctvy dla «Radyjo Svabody» i «Hołasu Amieryki»
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary