Niadaŭna ŭ aficyjnym akaŭncie «Kamunarki» ŭ Instagram źjaviłasia navina pra toje, što ŭ prodaž pastupili doŭhačakanyja dubajskija cukierki ad biełaruskaha vytvorcy.
Kupić ich možna tolki ŭ firmovaj kaviarni pa adrasie: vuł. Aranskaja, 18, dzie znachodzicca vytvorčaść prysmakaŭ, piša Tochka.by.
Adna dubajskaja cukierka važyć 10 h i kaštuje Br2,79 za štuku.
Na fabrycy nie čakali takoha popytu — łasunki raźlacielisia vielmi chutka. Niekatoryja pakupniki navat pačali skardzicca:
«Navošta rekłamavać toje, što vypuścili ŭ abmiežavanaj kolkaści, i stvarać štučny ažyjataž?» — napisali ŭ kamientarach pad dopisam.
Žurnalisty Tochka.by taksama niekalki razoŭ sprabavali nabyć dubajskija cukierki, ale biezvynikova. Pradaŭcy kažuć, što jany raźbirajucca imhnienna.
Na pres-kanfierencyi, pryśviečanaj jubileju «Kamunarki», brend-mieniedžar Darja Arłova-Litvinava adznačyła, što masavaha vytvorčaści dubajskich cukierak pakul nie pradbačycca.
«Dla hetaha nieabchodna madernizavać vytvorčuju liniju abo, mahčyma, uvohule jaje źmianić. Na siońniašni dzień našy majstry robiać hetyja cukierki ŭručnuju ŭ asobnym cechu», — dadała jana.
Hałoŭny technołah fabryki Iryna Macyhud taksama zajaviła, što nie padtrymlivaje ideju masavaha vytvorčaści.
«Pry ručnoj vytvorčaści dakładna zachoŭvajucca ŭsie technałohii i receptura. Kali naładzić masavuju vytvorčaść, prysmak budzie ŭsiaho tolki padobnym na aryhinał», — adznačyła jana.
Ci varta čakać dubajski šakaład ad «Kamunarki»?
Pavodle Iryny Macyhud, kali vypuskać nie cukierki, a šakaład u kłasičnym farmacie, heta moža niehatyŭna adbicca na jakaści.
«Ale kali pa vodhukach našych pakupnikoŭ my zrazumiejem, što ludzi chočuć mienavita šakaład, to biez prablem možam jaho zrabić», — zapeŭniła hałoŭny technołah.
Adnak čakać vialikaha abjomu pastavak šakaładu taksama nie varta, — udakładnili na fabrycy.
Ciapier čytajuć
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii6
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary
Niet by dariť im hoŕkij šokoład «Kommunarka», hdie srok hodnosti dva hoda...