Biełarusy stali atrymlivać listy ad machlaroŭ z «nacyjanalnaj palicyi pa narkotykach»
Śpiecyjalisty kampanii Kaspersky zafiksavali novuju chvalu machlarstva ŭ Biełarusi. Ciapier złamyśniki rassyłajuć elektronnyja listy ad imia nieisnujučaj Nacyjanalnaj palicyi pa narkotykach, piša Office Life.
U takich listach adrasatam paviedamlajecca ab vykliku ŭ śpiecyjalnaje adździaleńnie pa baraćbie z narkotykami za «nieadnarazovy kantakt» z zabaronienymi rečyvami. Ašukancy patrabujuć, kab atrymalniki listoŭ nieadkładna vyjšli na suviaź i apłacili štraf na praciahu 12 hadzin, pahražajučy pryciahnieńniem pravaachoŭnych orhanaŭ u vypadku admovy.
Dla pavyšeńnia davieru ašukancy vykarystoŭvajuć nazvu DEA (Drug Enforcement Administration) — upraŭleńnia pa baraćbie z narkotykami, jakoje na samaj spravie znachodzicca ŭ ZŠA, — uklučajučy hetuju abrevijaturu ŭ adras elektronnaj pošty i podpisy listy.
Dla abarony ad anłajn-machlarstva ekśpierty rajać nie reahavać na pahrozy i zakliki terminova pieravieści hrošy, nie pierachodzić pa spasyłkach ź listoŭ ad nieznajomych adpraŭnikoŭ i nie pierasyłać ich inšym. Nie lišnim budzie i ŭstalavać prahramy, jakija papiaredžvajuć ab fišynhavych sajtach i abaraniajuć pryłady ad virusaŭ.
Ciapier čytajuć
Da «Dnia narodnaha adzinstva» pamiłavali 25 čałaviek4
Kamientary