«Samaja vialikaja prablema — maralny duch». Ukrainskija vajskoŭcy ŭžo adčuli adsutnaść amierykanskich raźvieddanych
Rašeńnie ZŠA prypynić abmien raźvieddanymi z Ukrainaj užo maje svaje nastupstvy na froncie i asłablaje pazicyi prezidenta Ukrainy Uładzimira Zialenskaha pierad vierahodnymi pieramovami, paviedamlaje amierykanski časopis Time, spasyłajučysia na piać upłyvovych krynic va Ukrainie i na Zachadzie.
«Nastupstva hetaj paŭzy — sotni zahinułych ukraincaŭ», — skazaŭ ananimna adzin z aficeraŭ u intervju Time 7 sakavika ŭ Kijevie.
«Samaja vialikaja prablema — maralny duch», — dadaŭ jon. Nastroj padaje, bo ŭkrainskaja armija hublaje niekatoryja svaje mahčymaści ŭ vajnie nie praź dziejańni Rasii, a praz rašeńni ZŠA.
Pierad tym daradca prezidenta ZŠA pa pytańniach nacyjanalnaj biaśpieki Majk Uołc zajaviŭ 5 sakavika, što ZŠA zrabili «krok nazad» u abmienie źviestkami raźviedki z Ukrainaj. Jany dapamahali Ukrainie płanavać nastupleńni suprać rasijskich sił i davali važnuju previentyŭnuju infarmacyju pra pahrozy ad rasijskich rakiet i dronaŭ.
Krynica Time va ŭkrainskim uradzie paćvierdziła, što apieracyi ŭ rajonie Kurska bolš za ŭsio paciarpieli ad straty dostupu da raźvieddanych ZŠA.
Šerah ukrainskich ŚMI i vajskoŭcaŭ 7 sakavika paviedamili, što rasijanie zdoleli prasunucca na Kurščynie da važnaj trasy zabieśpiačeńnia Sumy — Sudža z uschodu i pastavili pad pahrozu akružeńnia ŭkrainskija vojski na rasijskaj terytoryi. Pra heta taksama paviedamiŭ resurs Deepstate. Siońnia nastupleńnie praciahnułasia i moža mieć dla ŭkrainskich padraździaleńniaŭ katastrafičnyja vyniki, choć jany i sprabujuć stabilizavać situacyju.
Akramia taho, ukrainskija vajskoŭcy majuć mienš mahčymaściaŭ vyjaŭlać nabližeńnie rasijskich bambavikoŭ i inšych vajskovych samalotaŭ, kali tyja ŭźlatajuć unutry Rasii. Jak vynik, času, kab papiaredzić nasielnictva i vajskoŭcaŭ pra avijaŭdary ci rakiety, ciapier značna mienš.
Taksama danyja amierykanskaj raźviedki dazvalali USU nanosić udary pa rasijskich celach na dalokija i siarednija adlehłaści, u pryvatnaści z vykarystańniem HIMARS. Razam z HIMARS u 2022 hodzie ZŠA pačali adpraŭlać raźviedvalnyja dadzienyja z amierykanskich spadarožnikaŭ, jakija dazvalali bić pa rasijskich kamandnych centrach daloka za linijaj frontu. Ciapier hetaja mahčymaść taksama faktyčna stračanaja.
Akramia taho, kampanija kaśmičnych technałohij Maxar Technologies pierastała dasyłać Ukrainie vyjavy sa svaich spadarožnikaŭ, jakija vykarystoŭvali dla płanavańnia ŭdaraŭ uhłyb Rasii. U piśmovym adkazie na zapyt vydańnia Maxar Technologies paćvierdziła prypynieńnie vydačy danych Ukrainie.
«Heta jak bić asła pałkaj pa nosie». Kit Kiełah patłumačyŭ, navošta ZŠA spynili padtrymku Ukrainy
ZŠA praciahvajuć pieradavać Ukrainie raźvieddanyja, ale ŭ abmiežavanym abjomie
Sienatary-respublikancy zaklikajuć Trampa adnavić dapamohu Ukrainie i jaje dostup da raźvieddanych
ZŠA adklučyli Ukrainie celepakazalniki dla HIMARS
«Tuman vajny stanie dla USU značna bolš hustym». Da čaho moža pryvieści admova ZŠA pieradavać svaje raźvieddanyja Ukrainie
Daradca Trampa raskazaŭ, kali ZŠA mohuć razmarozić vajskovuju dapamohu Ukrainie
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska2
Kamientary