Starejšaja dačka tenisista Maksima Mirnaha paŭdzielničała ŭ pakazie Armani ŭ Miłanie
Žonka viadomaha ŭ minułym biełaruskaha tenisista Maksima Mirnaha Ksienija raskazała ŭ sacsietkach, što jaje starejšaja dačka Miełanija vystupała na Tydni mody ŭ Miłanie, zaŭvažyła «Lusterka».
«Zachaplajemsia i adčuvajem kožnuju chvilinu hetaha momantu, kali naša Miełanija vychodzić na podyum dla Emporio Armani na Tydni mody ŭ Miłanie. Vosień-zima 2025/26 — elehantnaść, styl i vytančanaść. Dziakuj usim, chto pobač i ščyra padtrymlivaje nas!» — napisała Ksienija na biełaruskaj i anhlijskaj movach.
«Pierapoŭnienaja padziakaj za mahčymaść pryniać udzieł u hetym šou i atrymać taki dośvied», — u svaju čarhu napisała Miełanija.
Znakamity dyzajnier Džordža Armani stvaryŭ moładzievuju liniju adzieńnia, abutku i aksiesuaraŭ Emporio Armani ŭ 1981 hodzie.
Starejšaja dačka Maksima Mirnaha Miełanija naradziłasia 16 śniežnia 2004 hoda ŭ ZŠA. Usiaho ŭ byłoj pieršaj rakietki ŭ parnym razradzie čaćviora dziaciej.
Nahadajem, u 2023 hodzie Mirny pryjechaŭ u Minsk pravieści majstar-kłas. Zaadno spartoviec zrabiŭ nieadnaznačnuju zajavu, u jakoj vykazaŭ škadavańnie ab jaho bolš rańniaj krytycy hvałtu siłavikoŭ u dačynieńni da biełarusaŭ paśla vybaraŭ 2020 hoda. Nieŭzabavie paśla hetaha stała viadoma, što Mirnamu spatrebiłasia apieracyja — vydalić puchlinu ŭ hałavie. Maksim dobra pieranios chirurhičnaje ŭmiašańnie i razam ź siamjoj źjechaŭ ź Biełarusi dla praciahu lačeńnia.
Kamientary