Narviežskaja kampanija admoviłasia zapraŭlać palivam vajskovyja karabli ZŠA praz svarku Trampa ź Zialenskim
Narviežskaja naftavaja kampanija Haltbakk Bunkers zajaviła, što spynić pastaŭki paliva amierykanskim vajskoŭcam, piša Kystens. Rašeńnie było pryniata paśla sprečki pamiž prezidentam ZŠA Donaldam Trampam, premjeram Štataŭ Dže Dy Vensam i ŭkrainskim prezidentam Uładzimiram Zialenskim. Ale praciahnułasia heta rašeńnie niadoŭha.
«Siońnia my stali śviedkami najbujniejšaha dziarmovaha cyrka, jaki kali-niebudź pakazvaŭsia ŭ pramym efiry pa telebačańni», — havaryłasia ŭ paście Haltbakk Bunkers.
U Haltbakk Bunkers padkreślili, što časova spyniajuć pastaŭki paliva dla amierykanskich vajennych karabloŭ, jakija zachodziać u narviežskija party. Taksama kampanija vykazała padtrymku ŭkrainskamu prezidentu, adznačyŭšy jaho «vytrymku».
— My zaklikajem usich narviežcaŭ i jeŭrapiejcaŭ rušyć uśled našamu prykładu. Słava Ukrainie! — było napisana ŭ paście Haltbakk Bunkers.
Ale paźniej paviedamleńnie ab admovie supracoŭničać z ZŠA było vydalenaje.
Ministr abarony Narviehii Tory Sandvik paźniej apublikavaŭ aficyjnuju zajavu, u jakoj havorycca, što Narviehija praciahnie akazvać vajskoŭcam ZŠA pasłuhi:
«My bačyli paviedamleńni, u jakich vykazvałasia zaniepakojenaść nakont padtrymki karabloŭ VMS ZŠA ŭ Narviehii. Heta nie adpaviadaje palitycy narviežskaha ŭrada. Ja mahu paćvierdzić, što ŭsia zapytanaja padtrymka była akazana. ZŠA i Narviehija padtrymlivajuć ciesnaje i tryvałaje supracoŭnictva ŭ śfiery abarony. Amierykanskija vojski buduć praciahvać atrymlivać ad Narviehii nieabchodnaje zabieśpiačeńnie i padtrymku».
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary