Tramp vieryć, što Ukraina moža viarnuć častku zachoplenaj Rasijaj terytoryi
Prezident ZŠA Donald Tramp miarkuje, što Ukraina moža viarnuć prynamsi častku akupavanych Rasiejaj terytoryj, choć «heta niaprosta zrabić». Jak paviedamlaje «Jeŭrapiejskaja praŭda», pra heta jon skazaŭ padčas sustrečy z prezidentam Francyi Emanuelem Makronam u Biełym domie 24 lutaha.
Amierykanski prezident zajaviŭ, što Ukrainie budzie niaprosta viarnuć akupavanyja rasijanami terytoryi.
«Vy pytajeciesia, ci mohuć jany viarnuć ziemli, jakija stracili. I ja skažu: tak, mahčyma, ich častku tak. Ale heta niaprosta zrabić», — skazaŭ Tramp.
U toj ža čas, pa jahonych słovach, pytańnie terytaryjalnych sastupak Ukrainy budzie «častkaj pieramoŭ».
Prezident ZŠA taksama vykazaŭ nadzieju, što poŭnamaštabnaje rasijskaje ŭvarvańnie Rasii va Ukrainu moža zaviaršycca «za ličanyja tydni».
«Ja dumaju, my možam zaviaršyć jaje za ličanyja tydni. Kali my budziem razumnyja. A kali nie budziem, to jana i dalej budzie praciahvacca, i my i dalej budziem hublać maładych, cudoŭnych ludziej, jakija nie pavinny pamirać», — zajaviŭ jon.
Kali ž rasijskuju ahresiju suprać Ukrainy nie ŭdajecca spynić, to jana «moža pieraraści ŭ Treciuju suśvietnuju vajnu».
Prezident ZŠA vykazaŭ upeŭnienaść, što Rasija choča ŭdzielničać u pieramovach ab «spynieńni ahniu», dadaŭšy, što paśla hetaha pavinna nastupić i «spynieńnie vajny».
Akramia taho, Tramp padtrymlivaje ideju raźmiaščeńnia jeŭrapiejskich vojskaŭ va Ukrainie dla kantrolu za patencyjnym «pieramirjem».
Tramp nazyvaŭ dyktataram Zialenskaha, ale admoviŭsia nazvać tak Pucina
ZŠA kateharyčna admaŭlajucca ŭklučać harantyi biaśpieki ŭ damovu ab karysnych vykapniach z Ukrainaj
«Tramp, jak i Pucin, chacieŭ by pieradziełu miežaŭ». A amierykanskija kansiervatary idealizujuć režym Pucina jak levyja ŭ svoj čas — Stalina
Kamientary
dostatočno počitať połnyj tiekst jeho triepa čto by poniať čto on miečtajet o druhie putienie i isčieznovienija Ukrainy kak takovoj.ia už mołču pro našu Biełaruś.
My ź Zianonam Stanisłavavičam vieryli, vierym i budziem vieryć!