Kiraŭnik ukrainskaj vajennaj raźviedki raspavioŭ, kolki zaraz paŭnočnakarejskich sałdat znachodzicca na terytoryi Rasii i jak KNDR dapamahaje joj u vajnie z Ukrainaj.
Heta Kiryła Budanaŭ zrabiŭ padčas forumu «Ukraina. Hod 2025», pieradaje ahienctva UNIAN.
Pavodle jaho słoŭ Rasija aktyŭna naroščvaje vytvorčaść bojeprypasaŭ, karektavalnych avijabombaŭ i bieśpiłotnaj techniki. Ale značnuju dapamohu joj akazvaje Paŭnočnaja Kareja.
Pavodle jaho, KNDR zabiaśpiečvaje da 50% patrebaŭ rasijskaj armii ŭ bojeprypasach.
«Pałova varožych bojeprypasaŭ — paŭnočnakarejskija. Taksama pačalisia maštabnyja pastaŭki ŭzbrajeńnia, u pieršuju čarhu 170-mm samachodnych haŭbic i 240-mm reaktyŭnych sistem załpavaha ahniu», — padkreśliŭ Budanaŭ.
Taksama jon paćvierdziŭ vykarystańnie paŭnočnakarejskich vajskoŭcaŭ Rasijaj u Kurskaj vobłaści:
«Heta fakt. KNDR aktyŭna ŭdzielničaje ŭ vajnie suprać nas i padtrymlivaje RF».
Padčas forumu japonski žurnalist zapytaŭsia ŭ Budanava pra situacyju ŭ Kurskaj vobłaści, dzie vajujuć sałdaty KNDR. Na što jon adkazaŭ:
«Pieršapačatkovaja hrupoŭka składała pryblizna 12 tysiač čałaviek. Na siońniašni dzień kala čatyroch tysiač ź ich, skažam tak, vyviedzienyja z ładu — heta ciažkaparanienyja i zabityja. Im rychtujecca zamiena, ale pakul na front jana nie prybyła».
Kamientujučy pastaŭki Paŭnočnaj Karejaj 170-mm samachodnych haŭbic i 240-mm RSZA dla RF, Budanaŭ adznačyŭ, što Rasija ŭžo atrymała pa 120 sistem kožnaha typu.
«Paśla hetaha z dapamohaj rasijskich śpiecyjalistaŭ byli praviedzieny madernizacyjnyja raboty. Ciapier dakładnaść stała całkam prymalnaj dla takoha typu ŭzbrajeńnia. Pavodle płana, sioleta Paŭnočnaja Kareja pavinna pieradać Rasii 148 takich rakiet», — padsumavaŭ kiraŭnik HUR.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali5
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary