U sacsietkach paviedamili, što 17 lutaha ad ankałahičnaj chvaroby pamior Pavieł Rudzienia — radyjoamatar, jaki prasłaviŭsia tym, što, budučy nieviduščym ad naradžeńnia, arhanizavaŭ na kuchni svajoj kvatery radyjostancyju «Miascovaje radyjo» z aŭdytoryjaj kala dźviuch tysiač słuchačoŭ. Jamu było 42 hady.
U nulavyja hady Pavieł staŭ znakamitaściu, pra jaho šmat pisali ŭ presie. Na jahonaj kuchni ŭ Kurasoŭščynie pabyvali šmatlikija zorki biełaruskaj estrady, takija jak: Alaksandr Cichanovič, Alaksandr Saładucha, Łarysa Hrybalova, Alaksiej Chlastoŭ, Alesia.
U adnym ź intervju ŭ 2018 hodzie raskazaŭ, što byŭ častym hościem na Biełaruskim radyjo, ale tolki da taho času, pakul nie raskazaŭ u efiry radyjo «Stalica» pra svajo žadańnie zaprasić na intervju Łukašenku. Paśla taho ź im, jak jon śćviardžaŭ, supracoŭničać pierastali.
U 2010 hodzie Rudzienia atrymaŭ prafiesijnuju premiju Alaksandra Papova ŭ halinie ruskamoŭnaha radyjoviaščańnia ŭ śpiecyjalnaj naminacyi «Za luboŭ da radyjo».
Z 2012 hoda Pavieł pracavaŭ na radyjostancyi Usierasijskaha tavarystva ślapych, vioŭ tam aŭtarskuju prahramu «Ščyraja razmova».
Pavieł Rudzienia staŭ pratatypam hałoŭnaha hieroja pjesy dramaturha Dyjany Bałyki «Zakachajsia nie hledziačy!» Pjesa była pastaŭlenaja ŭ Mahiloŭskim dramatyčnym teatry.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA7
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny33
Kamientary