Śviatłana Cichanoŭskaja ŭpieršyniu vystupić na hałoŭnaj scenie Miunchienskaj kanfierencyi pa biaśpiecy
Śviatłana Cichanoŭskaja voźmie ŭdzieł u Miunchienskaj kanfierencyi pa biaśpiecy. Mierapryjemstva źbiraje viadučych palitykaŭ, ekśpiertaŭ i pradstaŭnikoŭ hramadzianskaj supolnaści dla razhladu klučavych pytańniaŭ biaśpieki ŭ śviecie.
Miunchienskaja kanfierencyja pa biaśpiecy — adna z najvažniejšych suśvietnych płatformaŭ pa abmierkavańniu hałoŭnych vyklikaŭ źniešniaj palityki i ŭ śfiery biaśpieki. Sioleta ivent asabliva važny — buduć šyroka abmiarkoŭvacca pytańni miru va Ukrainie i situacyju ŭ našym rehijonie.
Da taho ž, upieršyniu za čatyry hady Śviatłana Cichanoŭskaja vystupić na asnoŭnaj scenie kanfierencyi, paviedamlaje jaje pres-słužba.
«Udzieł Cichanoŭskaj u dvuch dyskusijach asnoŭnaj prahramy pakazvaje: u mižnarodnych dyskusijach pra biaśpieku rehijona dziejničaje pryncyp «ničoha pra Biełaruś bieź biełarusaŭ», piša pres-słužba Cichanoŭskaj.
Paśla asnoŭnych dyskusij adbudziecca asobny sajd-ivent, pryśviečany situacyi ŭ Biełarusi paśla «biazvybaraŭ-2025».
Padčas vizitu Cichanoŭskaja ŭzdymie važnyja pytańni, što tyčacca biahučaj palityčnaj i sacyjalnaj situacyi ŭ našaj krainie. Jana raspaviadzie pra represii suprać biełaruskaha naroda, prablemy cisku z boku Rasii i pahrozy, što iduć ad raźmiaščeńnia atamnaj zbroi na terytoryi Biełarusi.
Miunchienskaja kanfierencyja projdzie z 14 pa 16 lutaha.
Kamientary