Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
Śpiecyjalista pa pracy z klijentami anłajn-kramy padazrajuć u prysvajeńni tavaraŭ, jakija naležać arhanizacyi, na sumu zvyš 15 tysiač rubloŭ, paviedamili va UUS Viciebskaha abłvykankama.
Vyśvietliłasia, što 20-hadovy rabotnik aformiŭ praz akaŭnty svaich znajomych bolš za 160 najmieńniaŭ tavaraŭ na punkt vydačy kramy pa miescy pracy. Dastaŭleny tavar jon nie vykuplaŭ, a afarmlaŭ jaho viartańnie.
«Pry hetym na skład markietpłejsa tavar nie viartaŭ, a vynosiŭ z punkta vydačy. Vykradzienaje złamyśnik vykarystaŭ u asabistych patrebach, a častku pradavaŭ praz handlovyja internet-placoŭki», — paviedamili padrabiaznaści va UUS.
Adnak kiraŭnictva kramy zaŭvažyła, što kolkaść atrymanych zakazaŭ i hrašovych srodkaŭ, jakija pastupili na rachunak pradpryjemstva, nie supadaje, i źviarnułasia ŭ milicyju.
Ciapier fihurantu spravy pahražaje da 7 hadoŭ pazbaŭleńnia voli.
Kamientary