Zialenski skazaŭ, što hatovy sieści za stoł pieramovaŭ z Pucinym, kali heta pryniasie mir
«Kali heta adzinaja kanfihuracyja, pry jakoj my možam prynieści mir hramadzianam Ukrainy i nie stracić ludziej, to my dakładna pojdziem na taki varyjant sustrečy», — skazaŭ prezident Ukrainy.
Prezident Ukrainy Uładzimir Zialenski ŭ intervju brytanskamu žurnalistu Pirsu Morhanu skazaŭ, što hatovy sieści za stoł pieramovaŭ z rasijskim lidaram Uładzimiram Pucinym, kali heta budzie adzinym varyjantam mirnaha ŭrehulavańnia, piša Bi-bi-si.
Pa słovach ukrainskaha prezidenta, jaho staŭleńnie da Pucina ŭ hetym vypadku nie maje značeńnia. «Ja liču jaho za voraha i, ščyra kažučy, dumaju, što jon taksama ličyć mianie za voraha», — dadaŭ Zialenski.
U pieramovach ab miry pavinny taksama prymać udzieł ZŠA i ES, skazaŭ prezident.
Taksama ŭ intervju Pirsu Morhanu prezident Ukrainy nazvaŭ ličbu ŭkrainskich strat na vajnie: pavodle jaho śćviardžeńnia, heta 45100 zahinułych i 390 tysiač paranienych, a taksama tysiačy źnikłych bieź viestak abo pałonnych (jon skazaŭ, što dakładnaja ličba nieviadomaja).
Jon daŭ acenku rasijskich strat: 350 tysiač zahinułych, 600-700 tysiač paranienych i 50—70 tysiač źnikłych bieź viestak.
U intervju Zialenski taksama skazaŭ, što dla praviadzieńnia prezidenckich vybaraŭ treba źmianić zakanadaŭstva, ale akramia taho, padčas vajny «miljony ludziej» nie zmohuć prahałasavać, bo znachodziacca pad rasijskaj akupacyjaj abo za miažoj. Admianić ža vajennaje stanovišča niemahčyma, pakul vajna praciahvajecca, pakolki heta pryviadzie da demabilizacyi armii.
«Haračaja stadyja vajny skončycca, i tady, kali skončycca vajennaje stanovišča, vybary dakładna buduć abvieščanyja», — skazaŭ Zialenski.
Zialenski: Kali nie bieracie nas u NATA, to dajcie jadziernuju zbroju
Zialenski: Kijeŭ adkryty da supracoŭnictva pa zdabyčy redkaziamielnych mietałaŭ
Zialenski: Ukraina jak nikoli blizkaja da miru
Tramp prapanavaŭ dapamohu Ukrainie ŭ abmien na redkaziamielnyja mietały. Kijeŭ adkazaŭ
Administracyja Trampa choča, kab va Ukrainie sioleta prajšli vybary
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy19
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary