Tramp prapanavaŭ dapamohu Ukrainie ŭ abmien na redkaziamielnyja mietały. Kijeŭ adkazaŭ
Ilvinaja dola ŭkrainskich redkaziamielnych mietałaŭ znachodzicca na Danbasie i akupavanych terytoryjach.
Prezident ZŠA skazaŭ, što raźličvaje zaklučyć z Kijevam ździełku: ukrainskija ŭłady pavinny harantavać pastaŭki redkaziamielnych mietałaŭ u abmien na finansavuju i vajennuju dapamohu ad ZŠA, paviedamiła AFP.
«My ŭkładvajem sotni miljardaŭ dalaraŭ. U ich vydatnyja redkaziamielnyja mietały. I ja chaču harantavać biaśpieku redkaziamielnych mietałaŭ, i jany hatovyja heta zrabić», — dadaŭ kiraŭnik ZŠA.
Čałaviek, blizki da Zialenskaha, paviedamiŭ, što zaŭvahi Trampa «padobna, adpaviadajuć «płanu pieramohi», pradstaŭlenamu jamu vosieńniu», piša FT.
Jon skazaŭ, što Ukraina prapanavała Trampu «asablivyja ŭmovy» supracoŭnictva pa klučavych resursach, adznačyŭšy nieabchodnaść ich abarony ad Rasii i Irana.
Ilvinaja dola ŭkrainskich redkaziamielnych mietałaŭ znachodzicca na Danbasie i akupavanych terytoryjach
Pavodle acenki Forbes za 2023 hod, sukupny košt karysnych vykapniaŭ va Ukrainie dasiahaje amal $15 trłn. Bolš za 70% zapasaŭ prypadaje na Danieckuju, Łuhanskuju i Dnieprapiatroŭskuju vobłaści.
Ukraina maje samyja vialikija ŭ Jeŭropie zapasy lityju, tytanu, a taksama značnyja pakłady inšych karysnych vykapniaŭ.
Lityj (jaho va Ukrainie 500 tysiač ton) — adzin z klučavych kampanientaŭ dla vytvorčaści roznaj pradukcyi — ad smartfonaŭ da źniščalnikaŭ.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?2
Kamientary