Pažarnyja Łos-Andželesa abviaścili sa sceny pra pieramohu Biejonse na «Hremi»
Im niekalki chvilin stojačy apładziravała ŭsia zała.
Amierykanskaja śpiavačka Biejonse atrymała premiju «Hremi» ŭ katehoryi «Najlepšy albom» za svaju kantry-płaścinku Cowboy Carter. Biejonse ŭžo čatyry razy naminavałasia ŭ hałoŭnaj katehoryi, ale da hetaha času joj nie ŭdavałasia pieramahčy, piša Bi-bi-si.
U vyniku jana abyšła Tejłar Śvift, Bili Ajliš, Charli XCX i inšych kaleh pa scenie.
«Prajšło vielmi-vielmi šmat hadoŭ, — skazała jana, prymajučy ŭznaharodu. — Ja spadziajusia, što my praciahniem ruch napierad, adčyniajučy novyja dźviery».
Miarkujučy pa vyrazie tvaru Biejonse i jaje muža, repiera Jay-Z, u momant abviaščeńnia vynikaŭ, pieramoha ŭ hetaj katehoryi stała dla ich poŭnaj niečakanaściu.
«Vaŭ, ja sapraŭdy nie čakała hetaha», — skazała jana, atrymlivajučy ŭznaharodu z ruk Tejłar Śvift.
Sioleta, u suviazi ź niadaŭnimi pažarami ŭ Łos-Andželesie, premija prajšła ŭ pamienšanym farmacie, biez šumnych viečarynak, jakija zvyčajna jaje supravadžajuć.
Abviaścić pieramohu na scenu vyjšli supracoŭniki pažarnaha ŭpraŭleńnia Łos-Andželesa, jakim niekalki chvilin stojačy apładziravała ŭsia zała.
«U varunkach biesprecedentnaj pažarnaj situacyi ich samaaddanyja dziejańni byli sapraŭdy natchnialnymi»,— skazaŭ z sceny kiraŭnik upraŭleńnia Entani Marone.
«Našy ščyryja spačuvańni i malitvy źviernutyja da ŭsich siemjaŭ, jakija stracili blizkich, siabroŭ i susiedziaŭ, a taksama da tych, chto straciŭ damy, biźnies i byŭ vymušany pakinuć svaje miescy žycharstva», — dadaŭ jon.
Ciapier čytajuć
U jakim miesiacy biełarusy pamirajuć čaściej za ŭsio?1
Kamientary