Štorm «Eavin» u piatnicu abrynuŭsia na Irłandyju i paŭnočnuju častku Vialikabrytanii. Jak paviedamlaje Associated Press, adzin čałaviek zahinuŭ u irłandskim hrafstvie Daniehoł u vyniku padzieńnia dreva.
U svaju čarhu, The Guardian adznačaje, što kala tysiačy rejsaŭ byli admienienyja, šerah aŭtamahistralaŭ byŭ pierakryty z-za «čyrvonaha» ŭzroŭniu pahodnaj niebiaśpieki.
Štorm spačatku abrynuŭsia na Irłandyju. Chutkaść vietru dasiahała 183 km/h, što źjaŭlajecca najvyšejšym pakazčykam z časoŭ Druhoj suśvietnaj vajny.
Jak pieradaje BBC sa spasyłkaj na irłandskuju mietearałahičnuju słužbu, u irłandskim Hałuei zafiksavali samy mahutny paryŭ vietru za ŭsiu historyju nazirańniaŭ — na mieteastancyi Mejs-Ched chutkaść vietru dasiahnuła 55 mietraŭ u siekundu. Papiaredni rekord byŭ ustalavany ŭ 1961 hodzie.
Pavodle danych Associated Press, bolš za miljon chatnich haspadarak, firmaŭ i pradpryjemstvaŭ u Irłandyi i Paŭnočnaj Irłandyi zastavalisia biez elektryčnaści. U Šatłandyi bieź śviatła zastalisia kala 100 tysiač spažyŭcoŭ.
Paviedamlajecca, što praź viecier paciarpieła čyhunačnaja infrastruktura, admianiałasia praca paromnych pierapraŭ.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary