HUBAZiK ładzić rassyłku z telehram-akaŭntaŭ zatrymanych biełarusaŭ
Padčas siońniašniaj rassyłki ad fejkavaha telehram-kanała «Česnych ludziej» niekatoryja akaŭnty, jakija vykarystoŭvali siłaviki, naležali zatrymanym ludziam.
Adzin z hetych zatrymanych niadaŭna byŭ asudžany pa kryminalnaj spravie pa artykule 342 Kryminalnaha kodeksu (arhanizacyja dziejańniaŭ, jakija hruba parušajuć hramadski paradak, ci ŭdzieł u ich). Druhoha čałavieka, padobna, niadaŭna zatrymlivali. Ichnija akaŭnty zachoplenyja.
Nahadvajem, heta nie pieršy vypadak, kali HUBAZiK vykarystoŭvaje zachoplenyja akaŭnty dla kamientavańnia. Naprykład, z akaŭnta palitźniavolenaj Natalli Kruk pisali niehatyŭnyja kamientary pra Alaksandra Azarava.
Taksama HUBAZiK zachoplivaŭ čužyja kanały i vykarystoŭvaŭ ich u svaich metach. Adzin ź ich ciapier nazyvajecca «Biełorusskij siłovik» — heta najbujniejšy Z-kanał ź biełaruskimi karaniami, ale ad pačatku jon byŭ stvorany demakratyčnymi aktyvistami.
«Naša Niva» — bastyjon biełaruščyny
PADTRYMAĆ
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary