U polskaj prakuratury paviedamili, dzie zabojca biełaruski Lizy voźmie $48 tysiač na kampiensacyju
Akruhovy sud Varšavy pryznačyŭ pažyćciovaje źniavoleńnie 23-hadovamu Dorjanu S. za zhvałtavańnie i zabojstva biełaruski Lizy Hiercen, a taksama abaviazaŭ jaho vypłacić kampiensacyju paciarpiełamu boku. U Akruhovaj prakuratury Varšavy rastłumačyli «Biełsatu», jak jon zmoža, znachodziačysia za kratami, vypłacić hetyja hrošy.
Paciarpiełym pa hetaj spravie pryznany chłopiec Lizy. Sud pastanaviŭ vypłacić jamu 200 tysiačaŭ złotych (u pieraliku kala 48 tysiač dalaraŭ).
Pres-sakratar Akruhovaj prakuratury Varšavy Piotr Antoni Skiba paviedamiŭ «Biełsatu», što asudžany Dorjan S. moža ŭładkavacca na pracu ŭ turmie i spłačvać kampiensacyju z zarobku:
«Asudžany moža pracavać u papraŭčaj ustanovie, i kampiensacyja moža być spahnanaja z hetych srodkaŭ, hetaksama jak i z ułasnaści, što jon maje».
Skiba taksama ŭdakładniŭ, što prysud Akruhovaha suda Varšavy jašče nie nabyŭ zakonnuju moc:
«Prysud nie źjaŭlajecca kančatkovym. Kali budzie padadzienaja apielacyja, to prysud stanie kančatkovym paśla taho, jak apielacyja budzie razhledžanaja, a vyšejstajačy sud zaćvierdzić prysud».
Prakuratura abskardžvać pažyćciovaje źniavoleńnie dla 23-hadovaha Dorjana S. nie budzie:
«Pavodle prakurora, prysud źjaŭlajecca spraviadlivym».
Pra płany padać apielacyju raniej paviedamili advakaty fihuranta spravy. Jany śćviardžajuć: nie było dakazana, što jon byŭ u stanie śviadomaści ŭ momant złačynstva.
«Hety praces byŭ praviedzieny, možna skazać, ekspres-mietadam, biesprecedentnym va ŭmovach polskaj sudovaj sistemy, što maje być zaŭvažana. Na naš pohlad, pastanova suda zaŭčasnaja. Šerah sumnievaŭ abarony i šerah dokazaŭ nie byli źniapraŭdžanyja padčas sudovaha razboru».
Złačynstva ŭ centry Varšavy adbyłosia ŭ noč na 25 lutaha 2024 hoda. Pavodle materyjałaŭ śledstva, Dorjan S. zhvałtavaŭ biełarusku i namahaŭsia jaje zadušyć. Dziaŭčynu špitalizavali ŭ krytyčnym stanie, praz šeść dzion jana pamierła.
Prakuror zapatrabavaŭ pažyćciovaha źniavoleńnia dla abvinavačanaha ŭ zabojstvie biełaruski Lizy ŭ Varšavie
Chłopiec, jakoha abvinavačvajuć u zhvałtavańni i zabojstvie biełaruski ŭ Varšavie, pryznaŭ vinu častkova
U kvatery padazravanaha ŭ zhvałtavańni biełaruski ŭ Varšavie znajšli knihu pra seksualnyja złačynstvy
U Varšavie raźvitvajucca sa zhvałtavanaj i zabitaj biełaruskaj. Na pachavańni byŭ Paźniak z žonkaj FOTA
«Jaje zvali Liza». U Varšavie prajšoŭ Marš u pamiać ab zhvałtavanaj i zabitaj biełaruscy REPARTAŽ
«Dla vas jon źvier, a dla mianie syn». Baćka hvałtaŭnika, jaki zabiŭ biełarusku, prakamientavaŭ trahiedyju i vyklikaŭ abureńnie
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary