Realny dom, pabudavany biełaruskimi architektarami, moža stać kanstruktaram LEGO
Dom, pabudavany ŭ Minsku biełaruskimi architektarami ZROBIM architects, moža stać kanstruktaram LEGO, jaki budzie pradavacca pa ŭsim śviecie. Dla hetaha jamu treba abyści ŭ hałasavańni inšyja prajekty, jakija ciapier razhladajucca ŭ jakaści novych pretendentaŭ na masavuju vytvorčaść.
U hałasavańni ŭdzielničajuć užo sabranyja z kanstruktara madeli. Dom ad ZROBIM architects svaimi rukami źbiraŭ 14-hadovy syn adnaho z amataraŭ architekturnaj studyi i vialiki fanat ich prac. Na heta ŭ jaho syšło paŭhoda.
Takim prajekt pa vulicy Vieśninka ŭ Minsku płanavaŭsia i atrymaŭsia ŭ realnaści
Dom z kanstruktara vyhladaje nastolki detalizavanym, što zdalok na karcinkach jaho možna pryniać za sapraŭdny.
Na sajcie LEGO apisvajecca, što heta nie prosta madel budynka, a napoŭnieny sensam prajekt, što adlustroŭvaje fiłasofiju minimalisckaj architektury i harmonii z navakolnym asiarodździem. Viersija LEGO zachoŭvaje hetuju kancepcyju, pieradajučy ideju suviazi čałavieka z pryrodaj, a taksama važnaść adkrytaj prastory.
Kab trapić na etap razhladu kamisijaj pa vytvorčaści, prajekt musić nabrać 10 tysiač hałasoŭ.
«Zdajecca pryšpilna, što dom ź Minska moža vyrablacca masava i pradavacca ŭ roznych krainach u kanstruktary Lego», — kamientujuć u ZROBIM architects.
Padtrymać prajekt u hałasavańni moža kožny achvotny.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki7
Kamientary