16 studzienia padčas naviedvańnia Minskaha technaparka Alaksandr Łukašenka zajaviŭ, što Polšča admoviłasia «navat vieści razmovy» pra vyzvaleńnie žurnalista haziety «Gazeta Wyborcza» Andžeja Pačobuta
— Što datyčycca Pačobuta, tut navat niama pra što razmaŭlać. Ja ščyra vam kažu, jak čałaviek, jaki infarmavany: jany admovilisia ad Pačobuta. Polski bok admoviŭsia vieści navat razmovy pa Pačobutu, — skazaŭ Łukašenka.
Jon taksama dadaŭ, što, pavodle jaho infarmacyi, sam Pačobut nie choča pakidać Biełaruś i pierajazdžać u Polšču.
Pres-sakratar polskaha MZS zajaviŭ, što Polšča nikoli nie admaŭlałasia ad pieramoŭ ź biełaruskaj uładaj pra vyzvaleńnie Andžeja Pačobuta.
— Kali dyktatar Biełarusi Łukašenka kaža, što nie viedaje, što rabić z Pačobutam, ja skažu jamu, što treba zrabić. Pierš za ŭsio, jon pavinien vyzvalić jaho z turmy, — skazaŭ Pavieł Uronski ŭ kamientary «Lusterku». — Andžej Pačobut — hordy hramadzianin Biełarusi, jaki taksama hanarycca svaim polskim pachodžańniem. Ale jon pavinien być volnym čałaviekam u volnaj krainie i žyć tam, dzie sam žadaje.
Što datyčycca słoŭ Łukašenki pra niežadańnie Pačobuta pakidać Biełaruś, jašče ŭ žniŭni minułaha hoda stała viadoma, što palitviazień hatovy źjechać. Pra heta zajaŭlała kiraŭnica Sajuza palakaŭ Anžalika Borys, jakaja sustrakałasia z Pačobutam viasnoj 2024 hoda.
— Ja prasiła jaho razhledzieć mahčymaść vyjezdu z krainy, kali takaja mahčymaść źjavicca. Jon mnie adkazaŭ: kali ty ličyš, što heta pravilna, ja heta zrablu. Pa majoj prośbie jon pahadziŭsia pakinuć krainu, — kazała Anžalika Borys.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary