Kim akazaŭsia toj biełarus, što ŭ adnych trusach napaŭ na palicejskich na Pchukiecie i raskidaŭ ich
Dniami pa sacsietkach raźlaciełasia videa, jak mužčyna na adpačynku ŭ Tajłandzie raskidvaŭ palicejskich i haściničnuju achovu pa dvary hatela, a jaho žonka i troje dziaciej sprabavali jaho supakoić.
Mužčyna, mierkavana, byŭ u stanie ałkaholnaha apjanieńnia. Deboš jon zładziŭ u haścinicy na tajłandskim turystyčnym vostravie Pchukiet. Jon napaŭ na palicejskich, jakija prybyli pa vykliku. Debašyra zatrymali i dastavili ŭ palicejski ŭčastak. Biełarus adpačyvaŭ na Pchukiecie razam z žonkaj i tryma niepaŭnaletnimi dziećmi. Tyja ŭžo viarnulisia ŭ Biełaruś, a mužčynu, jakoha palicyja pakinuła za kratami, u najbližejšy čas čakaje sud.
Debašyram akazaŭsia 39-hadovy biełarus. Jak vyśvietliła vydańnie BGmedia, heta, imavierna, bieraściejec Siarhiej Asijčuk.
Raniej jon byŭ trenieram i kapitanam amatarskaj futbolnaj kamandy «Jeŭraekspart» z Kobrynskaha rajona. Sam mužčyna prafiesijna futbołam nie zajmaŭsia, jon majstar sportu pa armrestlinhu i kandydat u majstry pa paŭerlifcinhu.
Asijčuk taksama hulec amatarskaj kamandy «Farmat», pa sutnaści jaje ŭładalnik i sponsar.
Mužčyna, mierkavana, kiruje kampanijaj «Jeŭraekspart». Kampanija zajmajecca ekspartam i impartam zbožžavych i alejnych kultur i praduktaŭ ich pierapracoŭki, a taksama pieravozkami, łahistykaj.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary