Paśla śmierci Pryhožyna najmitam z amputavanymi kaniečnaściami pierastali płacić piensii
Paśla hibieli zasnavalnika i lidara PVK «Vahnier» Jaŭhienija Pryhožyna najmity ź jahonaha farmavańnia, jakija stali ŭ vyniku bajavych dziejańniaŭ invalidami-amputantami, nibyta pazbavilisia rehularnych vypłat. Pra heta paviedamiŭ adzin z byłych kamandziraŭ «Vahniera» Alaksandr Kuźniacoŭ, viadomy pad pazyŭnym Racibor.
U efiry kanała «360» Kuźniacoŭ adznačyŭ, što «da kanca isnavańnia kampanii» kiraŭnictva PVK nadavała vialikuju ŭvahu padtrymcy paranienych.
«U nas byli «trochsotyja», jakija stracili kaniečnaści padčas bajoŭ. Za hetym vielmi stroha sačyŭ kiraŭnik [Pryhožyn]. Chłopcam vypłačvali piensiju na toj čas. Heta było zakładziena kodeksam PVK», — raskazaŭ jon.
Adnak u apošnija paŭtara hoda, paskardziŭsia Racibor, vypłaty najmitam-amputantam nibyta pastupać pierastali.
Jaŭhien Pryhožyn zahinuŭ pry krušeńni svajho pryvatnaha samalota ŭ žniŭni 2023 hoda. Zasnavalnika PVK «Vahnier» pachavali biez vajskovych ušanavańniaŭ, jakija naležać tym, chto atrymaŭ zvańnie Hieroja Rasii. SK viadzie rasśledavańnie pryčyn krušeńnia samalota Pryhožyna, ale nijakaj infarmacyi ab hetym rasśledavańni niama.
23-24 červienia 2023 hoda Pryhožyn z paplečnikami padniaŭ bunt, zachapiŭ Rastoŭ-na-Donie i pajšoŭ na Maskvu. Ale za niekalki sotniaŭ kiłamietraŭ svoj miaciež zharnuŭ.
Syn Pryhožyna ŭznačaliŭ biełaruski «Kankord Mieniedžmient i Kansałtynh»
Stała viadomaja asoba vahnieraŭskaha błohiera Grey Zone z 550 tysiačami padpisčykaŭ, jaki zahinuŭ u Mali
U čym pamyłka Pryhožyna i ci moža niechta zachacieć paŭtaryć miaciež?
Mahiłu Pryhožyna zalili bietonam
«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
Kamientary