Palina Šarenda-Panasiuk abskardžvaje apošni prysud — ale jaho abskardžvaje i prakuratura
Paŭtara miesiaca tamu Palinie dadali hod kałonii. Heta byŭ užo treci prysud pa art. 411 za niby «złosnaje niepadparadkavańnie administracyi kałonii».
Pavodle bieraściejskaj «Viasny», na 13 śniežnia ŭ Homielskim abłasnym sudzie pryznačany razhlad apielacyjnaj skarhi na hety apošni prysud Palinie.
Ale adnačasova, pa infarmacyi krynic «Viasny», vyniesieny Palinie prysud abskardžvaje i Homielskaja abłasnaja prakuratura.
Mahčyma, prakuratura žadaje nadać Palinie status «niebiaśpiečnaj recydyvistki». Taksama mahčyma, što Palinu pieraviaduć na strohi režym utrymańnia.
Nahadajem, što Palina Šarenda-Panasiuk była zatrymana 3 studzienia 2021 hoda i z taho času znachodzicca za kratami. Za čas źniavoleńnia ŭ Paliny pahoršyŭsia stan zdaroŭja, źjaviŭsia chraničny pankreatyt. Na voli žančynu čakaje dvoje synoŭ, Słavamir i Stach.
Kamientary