Z-vajenkar pachvaliłasia, jak biełharadskaja terabarona źbiła sa strelby dron. Akazałasia, heta byŭ rasijski dron za $90 tysiač
Vajennyja kanały pišuć, što terabarona ciapier vinna rasijskaj hrupoŭcy dron.
Vajenkar VHTRK Volha Kurłajeva apublikavała repartaž pra toje, jak atrad biełharadskaj terabarony ŭ składzie aŭtamiechanika i fiermiera źbivaje dron z dapamohaj strelby i aŭtamata.
U roliku vidać, jak paśla niekalkich strełaŭ bieśpiłotnik padaje na ziamlu z parašutam. Adzin z bajcoŭ terabarony kaža, što heta ŭkrainski dron «Furyja», pišuć «Ostorožno, novosti».
Adnak nieŭzabavie Kurłajeva vydaliła svoj dopis. Akazałasia, što fiermier i aŭtamiechanik źbili nie ŭkrainski, a darahi rasijski dron koštam bolš za 90 tysiač dalaraŭ. Bieśpiłotnik naležaŭ hrupoŭcy «Poŭnač» rasijskaha vojska.
Pra heta spačatku napisali pravajennyja błohiery, jakija zajavili, što terabarona ciapier «tyrčyć» vajskoŭcam adzin dron. Nieŭzabavie pamyłku pryznała i Kurłajeva, pry hetym jana napisała: «A što im treba było stajać i hladzieć?».
Zaraz dla biełharadskaha atrada praviaduć intensiŭ pa identyfikacyi dronaŭ. A ad svajoj kalehi Z-vajenkary patrabujuć publičnych vybačeńniaŭ.
Kamientary