Mininfarm zabaraniŭ raspaŭsiudžvać u Biełarusi 35 drukavanych vydańniaŭ. Što za jany — pakul zahadka
Pavodle paviedamleńnia ŭ telehram-kanale Ministerstva infarmacyi, śpis z 35 zabaronienych da raspaŭsiudžvańnia ŭ Biełarusi drukavanych vydańniaŭ raźmieščany na jahonym sajcie, choć znajści jaho tam pakul nikomu nie ŭdałosia.
Zabaronienyja vydańni na asnovie vierdyktu respublikanskaj kamisija pa praviadzieńni acenki simvoliki, atrybutyki, infarmacyjnaj pradukcyi. Na jaje dumku, jany «zdolnyja nanieści škodu nacyjanalnym intaresam našaj krainy».
U vypadku vyjaŭleńnia faktaŭ raspaŭsiudžvańnia drukavanych vydańniaŭ, uklučanych u vyšejzhadany śpis, Ministerstva infarmacyi pahražaje pazbaŭlać złoŭlenych na hetym dazvołu na zajmańnie raspaŭsiudam.
Pry hetym akurat siońnia ministr infarmacyi Marat Markaŭ narakaŭ, što niejkaja litaratura, «jakaja moža być adniesiena da ekstremisckaj, dy i prosta supiarečyć našym nacyjanalnym intaresam», masava stała iści ŭ Biełaruś z Rasii, u jakoj niadaŭna pryniali zakony suprać «prapahandy ŁHBT, biaździetnaści, nietradycyjnych sieksualnych adnosin, piedafilii».
Maŭlaŭ:
«Usia litaratura, jakaja była vypuščanaja ŭ našaha sajuźnika, siońnia chłynuła na terytoryju Biełarusi. U hetych umovach my nie možam zastavacca abyjakavymi».
Jon vykazaŭ nadzieju, najbližejšym časam u Biełarusi prymuć dakumienty, jakija dazvolać jašče bolš papaŭniać śpis zabaronienaha za košt
«litaratury, jakaja śviadoma ŭkidvajecca ŭ biełaruskaje hramadstva z metaj raschistvańnia našych sapraŭdy spradviečnych, nacyjanalnych asnoŭ i razmyvańnia našych intaresaŭ».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary