Markaŭ: Nas buduć zakidvać «ekstremisckaj litaraturaj», kab mozh stanaviŭsia bolš miakkim
Ministr infarmacyi paabiacaŭ imhnienna błakavać usio, što supiarečyć intaresam dziaržavy ŭ jaho razumieńni.
Marat Markaŭ na pasiadžeńni Respublikanskaha savieta pa histaryčnaj palitycy zajaviŭ, što Mininfarm budzie pracavać stroha i chutka ŭ dačynieńni da «niapravilnych» u jaho razumieńni resursaŭ.
Markaŭ ličyć, što pierad vybarami-2025 u internecie źjavicca šmat litaratury, jakuju jon ličyć ekstremisckaj, piša BiełTA.
«Manitorynh taho, što adbyvajecca na našaj infarmacyjnaj prastory, — reč pastajannaja i aktualnaja, asabliva napiaredadni vybaraŭ. I zrazumieła, što nas buduć zakidvać maksimalnaj kolkaściu ekstremisckaj litaratury. Staracca, kab, viedajecie, «mozh stanaviŭsia bolš miakkim» u asobnych pradstaŭnikoŭ. I, naturalna, buduć vykarystoŭvać i internet-resursy dla taho, kab ekstremisckuju infarmacyju ŭkidvać u infarmacyjnaje pole krainy», — miarkuje Markaŭ.
Jon zajaviŭ, što zakon dazvalaje Mininfarmu samastojna błakavać usie niepažadanyja jamu resursy.
«I adrazu skažu vam dastatkova ekskluziŭna, zakon ab srodkach masavaj infarmacyi daje siońnia Ministerstvu infarmacyi ŭsie paŭnamoctvy dla taho, kab samastojna prymać rašeńni pa litaratury i pa tych resursach, jakija raźmiaščajuć infarmacyju, jakaja supiarečyć intaresam dziaržavy. I ŭ dačynieńni da takich resursaŭ i takoj litaratury my budziem pracavać vielmi žorstka i vielmi chutka», — dadaŭ Markaŭ.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary