U Minsku pradajuć 24-hadovuju Alfa Romeo 166 za 15 tysiač dalaraŭ. Što ŭ joj takoha?
Vizualna mašyna sapraŭdy vyhladaje vielmi fajna.
Što za mašyna?
Aŭtamabil, vystaŭleny na prodaž u Minsku, 2000 hoda vypusku. Pad kapotam u hetaj Alfa lehiendarny 2.5 V6 Busso na 190 k.s, jaki pracuje ŭ pary ź miechaničnaj karobkaj pieradač. Mašynu z dapracoŭkami acanili ŭ 15 tysiač dalaraŭ. Haspadar u apisańni da aŭto dadaje, što hatovy razhladać abmien na cikavy i ekskluziŭny aŭtamabil.
Šeść hadoŭ novym abliččy
U abjavie paznačana, što heta nie prosta šarahovaja 166-ja, a restaŭracyjny prajekt. U takim vyhladzie jana znachodzicca z 2018 hoda.
U aŭtamabila davoli bahataja kamplektacyja pa mierkach 2000 hoda, choć i nie samaja topavaja dla hetaj madeli. Vizualna mašyna sapraŭdy vyhladaje vielmi fajna. Skurany sałon aŭtamabila, niahledziačy na ŭzrost, taksama zachavaŭsia ŭ dobrym stanie.
Navat dno aŭtamabila vyhladaje vielmi badziora dla 24-hadovaj mašyny.
Zajaŭleny prabieh aŭtamabila — 250 tysiač kiłamietraŭ. Pradaviec zapeŭnivaje, što z 2018 hoda mašyna prajechała ŭsiaho 35 tysiač kiłamietraŭ. Ekspłuatavali jaje tolki ŭ letni pieryjad. Zimuje Alfa Romeo u padziemnym parkinhu.
Heta padobna da praŭdy, što Alfa vykarystoŭvali jak aŭto vychodnaha dnia. Hetaja mašyna na pačatku leta 2020-ha paśpieła zaśviacicca ŭ ŚMI, tady prabieh aŭto składaŭ 226 tysiač kiłamietraŭ.
U tym ža intervju było napisana, što ŭłaśnik nabyŭ hetuju mašynu za sumu kala 8 tysiač dalaraŭ, što tady taksama było ŭ niekalki razoŭ bolš za ceny, pa jakich pradavalisia anałahičnyja aŭto.
Vyhladaje, što apošnija hady mašyna znachodziłasia i ekspłuatavałasia ŭ Polščy. Zacikaŭlenych u kupli pradaviec prosić pisać u instahram-akaŭnt mašyny, abo ŭ telehram na polski numar.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro11
Kamientary